Zum Achten soll im Conficiren vnnd Zuckher machen den Apoteckhern verbotten sein, solch Confect, Strüzel, vnnd anders mit Khrafftmell vnnd gestossenem Reis zemachen, sondern sollen nit allein alle die # alle Condita Confectiones, sondern auch # Conseruas vnnd Electuaria in welchem es sich gebüret # deren Jedes mit gerechten gueten Zuckher machen. Zum Neunten do ain Doctor vnnd Arzt aus Eill oder Vnbedacht in seinen Recepten mit dem Ge- wicht geirret, soll das der Apoteckher den Doctor erinnern, vnnd die Erznai zuuor vnnd ehe nit machen noch hinausgeben. Item do ain Apo- teckher in dem Dispensatorio im Gewicht, oder sonst einen Irthumb befindet, soll er solchs ainem Doctor anzezeigen nit vnderlassen vnnd desselben Rath darinnen pflegen. # Zum Zehenden soll khain Apoteckher für sich selbs, vnnd on Verordnung aines Doctors den Leüthen Erzneÿ, besonders auf Jemanden gewisse Erzneÿ ausdruckhlich in specie nit benennet, ausgeben, vill weniger soll er sich khranckke Person zuerznen # darein nach Ausweisen der Dispensatorien Zuckher gebraucht werden soll # Item guetter Richtigkheit halben vnd allerleÿ Irrung zuuerhüeten, soll ieder Apodeckher in seiner Apodeckhen ain Receptarum, oder Buech haben, darein alle Recept derer Arzneien so nit als bald sie genommen bezalt werden, fleissig einschreibenn, was Stuck vnd wieuill derselben in die Erzneÿ verdruckh verordnet worden, außdrugklich benennen, auch der Monat vnd Tag daran es verordnet, darzue aufzaichnen, die Recept aber oder Zettl derer Arzneien, die alspaldt sie gemacht vnnd genommen, vnd bezalt werden, an ainen Spagat anreigen aufhöben vnd behalten, damit dieselb zu fürfallend Nothdurfft mügen fürbracht werden.
RkJQdWJsaXNoZXIy MjQ4MjI2