84 LXXXIII. 1362. 3. Juni. Kremsmünster. — Abbt, Prior und Convent versprechen zum Danke für die Privilegienbestätigung die Abhaltung eines Jahrtages für das Seclenheil des Herzogs Rudolf auf immerwährende Zeiten und die Abreichung cines jährlichen Fischdienstes vom Albensce an das neu zu gründende Dom¬ capitel in Wien. Wir Chunrad von Gots genaden abt Hainreich prior und der convent gemainichlich des chlosters ze Chremsmunster sand Benediet ordens Pazzawer bistum verjehen, .. . daz di hochgeborne fürsten unser genadig heren hertzog Rudolf hertzog Friderich hertzog Alber und hertzog Lewppolt von Osterreich unser und unsers gotzhaus recht heren und vogten sind und sein sullen, wann auch der egenant unser herre hertzog Rudolf uns und unserem gotzhaus alle die freyhaite und hantveste die wir von selig gedechtnuzze seinen vorvarn gehabt haben bestatt und vernewt hat, und uns und unser gotzhaus mit sundern gnaden gunstlich furdert, so sein wir suldig und gepúnden daz wir in daz mit sunder güttat und andechtigen werhen widerchern, darumb loben und verhaizzen wir fur uns und unser nachkomen, daz wir alle jar die weil der egenant unser herre hertzog Rudolf lebt auf aller heyligen abent ain ampt haben suln umb hail der lebentigen, wenn er aber von diser werlt geschaiden ist daz Got lang wend, so suln wir alle jar auf den tag seines todes begen seinen jartag mit messen mit vigilien selvespern und mit anderen gebeten und güttaten alz wir die begehen unsern stifftern, auch verhaizzen wir in dem namen als vor, wenn der tùm ze sand Stephan chirichen ze Wienn aufgericht wirt, daz wir denn alle jar aim probst daselbs sechtzig dürrer und gederter vorhen, und virtzig und hündert auch gederter vorhen den chorheren aws unserm Alberse raichen und dienn suln auf sand Michels tag an all widerred und ver¬ zichen, und des ze urchund und sicherhait haben wir disen brif mit unserm und des vorgenant abtes und convents anhangunden insigeln versigelt, der geben ist ze Chremsmunster am freytag vor dem heiligen phingsttag da man zalt von Christs gepurd drewtzehen hun¬ dert jar darnach in dem zwai und sechtzigkistem jare. Urkundenbuch von Kremsmünster Nr. 246.
RkJQdWJsaXNoZXIy MjQ4MjI2