83 aydes weiss. Mitt urkund des briefs den ich obgenanter Wernhartt der Aistershaimer mein hawsfraw und all unser eriben und nach¬ komen mit meinem vorgenanten Aistershaimer anhangunden insigl, und ze gezewgnus der sachen mit der erbern herrn Ulrichs des Morstorfer und herrn Chonrâtz des Mosér anhangunden insigl die ich vleissig darumb gepetten habe in an schaden, darunder wir unns verpünten trewlich angefar alles das war und statt zw hallten und ze volfüren das oben an dem brief verschriben stett. Der brief ist geben do man zallt von kristi gepurde drewzechenhundert jar und darnach in dem zway und sechtzigistem jar des suntags nach dem heiling auffarttag tag. Aus einem Inventarium Schaunberg'scher Urkunden, geschrieben auf Papier gegen das Ende der XV. Jahrhunderts; im Schlossarchiv zu Eferding. LXXXII. 1362. 3. Juni. Wien. — Herzog Rudolf untersagt auf die Klagen des Abbtes von Kremsmünster den Städten Ens Wels Steyr und Gmunden die widerrecht¬ lichen Gelderpressungen von den Unterthanen des Stiftes. Wir Ruodolff von Gottes gnaden hertzag ze Osterreich ze Steyr und ze Kernden embieten unsern getrewen lieben den richtern den reten und den purgern ze Ens ze Wels ze Steyr und ze Gmunden unser gnad und alles gut. Uns hat chunt getan der erber und geistlich man der abt von Chremsmunster, daz ir im sein leut in ewern steten phrenget und aufhabet umb wandelung die in ewern steten nicht geschehen ist das uns unpillich dunchet. Davon gebieten wir ew ernstlich und wellen, daz ir sein leut furbas umb dhainerlay wande¬ lung icht phrenget noch aufhabet und seu ouch ander jeman aufhaben lazzet, ez werd denn e ein recht vor dem abt oder vor seinem ampt¬ man hintz in gesuchet. Wer aber daz denselben ein recht denn vor¬ zogen würde und nicht geschehe, so mugen si irs geltes von denselben bechomen als si des recht habent, und ouch alz der brief sagt den si von unserm lieben heren und vatter weilent hertzog Alber darunh habent. Geben ze Wien an freytag vor dem heiligen phingsttag anno XII (millesimo trecentesimo sexagesimo secundo. Urkundenbuch von Kremsmünster Nr. 245.
RkJQdWJsaXNoZXIy MjQ4MjI2