31 gunne den obgenanten unsern herren von Osterreich in lehensweis von im und dem goczhaus ze Regenspurg eweklich, und in die verleihe nu und hienach wann und wie oft es ze schulden chumpt als das pilleich und recht ist an alle widerred und geverd. Nach diser aufgebung und vertigung als vor geschriben stat habent die vorge¬ nanten unser herren von Osterreich uns den egenanten grafen von Schowenberg und allen unsern erben firbazzer verlihen ze rechtem Ichen die obgenant herschaft und vesti ze Ort und swaz darczu gehoret als vorgeschriben stat, und haben ouch wir die von in em¬ phangen und sein ir man darumb worden als landes undlchens recht ist an allez geverd. Wer aber daz die vorgenanten von Schowenberg abgiengen on erben sune des Got nicht welle, so sullen dicselben lehen erben und gevallen auf tochtern dezselben namens und geschlechtes in aller der mazz als ob si sune wêrn. Und sullen ouch unser herren von Osterreich die verleihen denselben tochtern ze gleicher weis als sunen ane gevèrd alz oft sich die hand verwandelt an der egenanten unser herschaft von Osterreich oder an uns den vorgenanten graf Wernharten graf Ulreichen und graf Hainreichen von Schowenberg, als oft sol ein jeglich herczog von Osterreich den es denne ze recht angehôrt die vorgenanten lehen alle verleihen richteklich und unverczogenlich an alle widerred und gevèrd dem oder den grafen oder grefinn von Schowenberg, auf den oder auf die danne dieselben lehen pilleich und durch recht erben und gevallen sullen es sein sûne oder tochter als vorgeschriben stat, und sullen si uns die von Schawenberg man und weib sûne und tochter daran nicht irren, sunder si sullen uns dabey schirmen und beleiben lazzen als landes und lehens recht ist on allez gevèrd. Wan ouch wir die vorgenanten grafen von Schawenberg fur uns und alle unser nachkomen und erben eweklich mit manschaft und mit dienst komen sein hinder die obgenanten unser herrn die herczogen von Ostarreich und hinder all ir nachkomen und erben, darumb habent si für sich selber und fur all ir nachkomen und erben uns verhaizzen vesteklich mit irn triwen und mit irn versigelten briefen, daz si uns in dem namen als da-vor eweklich schirmen, versprechen und vertreten sullen und wellen alz ir man und diener wider aller mênklich nieman auzgenomen, bei allen unsern freyhaiten rechten und gûten gewonhaiten und mit namen bei allen unsern herschêften vesten pûrgen stetten leuten gerichten und gûtern wo wir die jeczunt haben oder
RkJQdWJsaXNoZXIy MjQ4MjI2