30 herczogen von Osterreich, von den wir die emphangen haben und ouch ir man ddarumb sein als landes und lehens recht ist an allez geverd, auzgenomen alain der lantgericht die wir ze lehen haben von dem byjschof und dem goczhaus von Pabenberg die wir unz selber unverwandlet behabt haben, doch also, daz die vorgenanten unser herren von Osterrcich und alle ir nachkomen und erben eweklich den pan der grozzen gericht uber den tod haben und leihen, und ouch ir mûntz irn ungelt und all ander aufsècz da beseczen sullen alain in den egenanten fumf lantgerichten in aller der mazz als vorgeschriben stat wan si des recht haben an all widerred und gevërd, wan ouch die vorgenanten unser herren die herczogen von Osterreich nach der stiftung und wirdekait desselben irs herczagentûms ze Osterreich solich freyhait und recht habent, swaz herschaft und vesten lêut und gûter die von phaffenfürsten lehen sind an si koment, die in jemant zufûgen und antwûrten wil von koufes gabe geschêftes oder dhainer ander zuvallung wegen, daz si die mit recht ob halt die lehenherren nicht zegegen wèren wol aufnemen und sich ir underwinden und si recht und redlich besiczen mugen doch also, daz si die von den phaffenfursten und den goczheusern von den si rurent bechennen ze lehen und si dafûr emphahen und haben, als in ouch die phaffenfursten die schuldig sint ze leihen. Darumb und ouch durch unsern freyen willen von soliher redlicher sache und erber rechter taiding wegen der wir mit den vorgenanten unsern herren von Osterreich wizzentlich uberainkomen sein, haben wir die obgenanten grafen von Schowenberg fur uns und alle unser nachkhomen und erben eweklich unsers rechten lehens von unserm herren dem byschof und dem erwirdigen goczhaus ze Regenspurg die herschaft und resti ze Ort mit leuten manscheften gaistlichen und weltlichen lehen mit gütern gerichten merkten dörffern höfen hölczern gevilden wèlden und gemainlich mit allen nûczen und rechten die darczû gehörent aufgegeben und ingeantwurt recht und redlich den obgenanten unsern genèdigen herren den herczogen von Osterreich und allen irn nachkomen und erben an demselben lande eweklich, den wir dieselben herschaft und vesti ze Ort und swaz darzû gehoret gevertigt haben recht und redlich, und haben ouch die aufgesant und senden si aut mit disem brief unserm gnêdigen herren dem byschof von Regens purg den wir gepeten haben und bitten ouch mit disem brief, daz er der égenanten herschaft und resti ze Ort mit aller zügehörung
RkJQdWJsaXNoZXIy MjQ4MjI2