174 CLXX. 1364. 23. April. — Peter der Schwab von Stratzing und seine Hausfrau geben dem Kloster Baumgartenberg einen Schuldbrief über 34 Pfund Pfenning, um welche das Kloster ihnen den halben Hof zu Gneiwendorf verkauft hatte. Ich Peter der Swab von Straetzing und Elzpet sein hais¬ vraib wir verjehen, daz wir unverschaidenleichen gelten schullen den erwierdigen geystleichen herren apt Jansen und dem convent gemain ze Pawmgartenberg vier und fumfezk phunt phenning wienner munzz umb den halben hof ze Gnawsendorf'den wir von in haben gechauft, und schullen auch wir in die geben von sand Gorgentag der margen ist uber vier jar, und haben wir darumb gesatzt zeverczikchen den selben halben hof und aindlef jewch akchers die unser vreyes purch¬ recht sind von dem goteshaws ze Melkch, der acht jewch haizzent die Schreiberinn da man den herren ze Melkch jaerleich an sand Cholmans tag von geit ze purchrecht actzk wienner phenning und nicht mer, und drew jewch niderthalb dapei da man denselben herren auf denselben tag von geit dreizk phenning ze purchrecht, die selben akcher all haben wir in gesatzt mit unsers perchmaister hant Hainreichs der Dürrenhofer und haben die akcher und den halben hof also gesatzet, ob wir in die vorgeschriben vier und fumfezk phunt phenning nich gaeben gantz und gar in den obengeschriben vier jarn zchant, so sind in die àkcher all und der halb hof gantz und gar in ir gwalt vervallen mit aller der gelegenhait alz sew die vindent hof und aekcher, und schullen auch sew die aekcher und den halben hof für¬ baz ewikleich zu irem chloster haben an allen chrieg und allen iern frum damit schaffen, wir schullen in auch die selben vier jar von dem egeschriben halben hof dienn jaerleich an sand Merteinstag czwen mutt chorns und czwen mutt habern und nicht mer, und nach den vier jarn wann wir sew wo der vier und fumfezk phunt phenning gancz und gar gwern, so sind uns unser aekcher wider ledig und schullen auch wier mit dem halben hof allen unsern frum schaffen verseczen verchauffen und geben wem (wir) wellen, an juden, den schullen wir in weder seczen noch verchauffen, und schullen wir oder wem wir den halben hof geben fürbaz ewikleich davon nicht mer dienn, wenn jaerleich an sand Merteinstag ainen mutt chorns und ainen mutt habern und nicht mer. wir schullen auch allew vadrung
RkJQdWJsaXNoZXIy MjQ4MjI2