173 daz wir den egenantn hern Petern von Eberstorf und sein erben von der vorgenanten geltschult von christen und von juden als vorge¬ schriben stet an allen iren schaden ledigen und losen sullen an sand Merteins tag der schierst chumpt. Taten wir dez nicht, wand uns dann her Peter von Eberstorf oder sein eriben vodernt, so sullen wir im zwen erberig chnecht mit vier phariften gein Wienn in ein erberig gasthaws senten und darinne ligen und laisten alz inligens und laistung recht ist und da nimmer oùzchommen, ez werd denn alz daz volfuert daz var an disem prief geschriben stet. Tun wir dez nicht, allen den schaden den si dann derselben geltschulde fürbaz nement dacz christen oder dacz juden wie der schad genant ist das sie pey ieren trewn gesprechen mugen, denselben schaden sullen wir in gancz und gar ablegen und widercheren an alln iren schaden. Si sullen ouch hauptgüt und schaden haben ouf uns unverschaidenleich und ouf allen unsern erben und ouf allen unserm gût daz wir haben in dem lande ze Ostercich oder wa wir ez haben, davon in der landezfürste oder wer den gewalt an seiner stat hat an fürbot und an chlag phant antwurten sol, wenn si soncz nicht lenger enperen wellent alz verr daz si sich selber von irs egenanten geltschulde von christen und von juden umb hauptgüt und umb schaden genczleich geledigen und losen und an allen iren schaden wir sein lebentig oder tode. Und darüber so gibe ich Ulrich von Chranichperg in diesen prief ze einz waren urchunde diser sache versigelt mit meinem insigel und mit hern Jansen insigel von Trawn der der sach gezewg ist mit seinem insigel im an schaden, und wand ich obgenant Christan von Chranichperig noch nicht selber insigel han, so verpint ich mich under der genanten insigel allez daż stat ze haben und ze laisten daz vorgeschrieben ist. Der prief ist geben nach Christes gepurde drewczehn hundert jar darnach in dem vier und sechczigisten jar an dem vierczehenten tag vor sand Jorigentag. Landesarchiv zu Wien mit Nr. 643. - Beide Siegel hängen. S. Velrici de Chranichpg (Im Siegel kein Platz um pery auszufüllen.) S. Johannis dci Trawner.
RkJQdWJsaXNoZXIy MjQ4MjI2