142 und ouch die gedinge freyhait und recht die si von loblicher gedecht¬ nuzze den durchleuchtigen Leuppolten und Frydrichen etzwenn hertzogen ze Oesterreich gehebt hieten bestêten vestnen und ernewn geruochten nach sag der briefen die in von unserm egenannten vorenen darueber geben sint die mit disen worten verschriben stent: Wir Ruodolff von Gots gnaden roemischer Kuenig ze allen zeiten merer des reichs allen des heiligen roemischen reichs getrewn die diese gegenwuertige briefe werdent ansehen ewichleich, daz wir gnedechlich bedenchen wellen den frumen und nutz der unsern, und chuenden allen lèwten mit zeugnuzze diser geschrift, daz wir unsern lieben purgern von der Freyenstat der begird die sie gen uns habent offenbar ist die gnade verliben haben, daz alle chautlewt von wannen die choment ir chouffmanschaft daselbs niderlegen sullent, und wellen mitsampt in hienach baide auff wasser und auff lande behalten alle geding freyhait und recht die sie von lautterer gedecht nuzz Leuppolts und Frydrichs den durchleuchtigen hertzogen von Ocsterreich habent. Darumb sol chainem moenschen erlaubt sein, daz er disen brief unserr verleihung und bestêtung preche oder im an dhaim stuk mit frefler getuerstichait widerge. Têt aber das jemant der sol wizzen daz er in die beswèrung unserr mêchtichait vervallen ist. Und des dinges ze getzeugnuzze haben wir in diese briefe geben gesterkt mit warnung unserrs insigels. Geben ze Wyenn an dem sibenden kalend des ougsten, do die indicion waren fuenfe, do man zalt von unsers herren gepuert tausent zwaihundert und siben und sibentzig jar, unsers reichs in dem vierden jare. Nu haben wir angeschen die lauterchait der stêten trew und snelkait der danchbèren dienste mit den die egenanten unser purger uns und unsern vorvordern je daher unverdrozzenlich beystendig gewesen sind, und die gnade gedinge freyhait und recht die da begriffen sint in den vorgeschriben briefen die wir geschen haben an allen gepresten und argwan. Die haben wir in namen unserselbs Frydrichs Albrechts und Leuppolts hertzogen und herren der egenanten landen unserr lieben pruedern der vollen gewalt wir haben in disen tagen guetichait unsers fuerstentuom nach zeitlichem rat und mit rechter wizzend gevestnet, bestêt und ernewn si ouch mit chraſt ditz gegenwuertigen briefs. Darumb sol chaim menschen erlaubt sein diesen brief unserr bestêtung und ernewung zeprechend oder im mit frêfler getuerstichait wider ze gende. W'èr aber das tête der sol wizzen, das er in
RkJQdWJsaXNoZXIy MjQ4MjI2