Das Salztransportamt am Stadl und seine Bedeutung für den oberösterreichischen Salzhandel

- 261 - Beilage Nr. 6 1464 Juni 12, Neustadt. Kaiser Friedrich III. verleiht Hans Leroch für seine Behausung am Stadl das Marktrecht. Abschrift, Papier, 16. Jhd. Stadtarchiv Gmunden, Bd. 58 Nr. 5. Wir Fridrich von gotteß genaden römischer khayser zw allen zeit- ten mehrer des reichs zw Hungern Dalmatien Croatien etc. khönig herzog zw Oesterreich zw Steyr zw Khärndten vnnd zw Grain be- khhennen fuer vnns vnnd vnnser erben, das wier vnnserm ge- treuen Hannsen Leroch am Stadl vnnd sein erben vnnd nachkhom- men auf ihrer behausung daselbß am Stadl gefreyt haben vnnd freyen wissentlich mit den brieff also, das sy nun hinfuron den ob- genandten endten mit salcz wein vnnd getraidt arbaiten mügen auch aller der gerechtigkhait an mautstetten vnnd anndern end- ten geprauchen die annder vnnser burger am Lauffen vnnd an der Haalstatt haben bis auf vnnser widerrueffen, dauon gepieten wier den edlen vnnsern lieben getreuen allen vnnsern haubtleuten grauen freyen herren rittern vnnd khnechten pflegern burggrauen burgermaistern richtern rätten burgern gemaindten vnnd beson- der Janen von Wernstorff vnnserm ambtman zw Gmunden oder wer khonfftigelich vnnser ambtman daselbß sein wurdet, das sy den obgenanndten Lerochen vnnd sein erben vnnd nachkhommen bey solcher vnnserer freyhait halten vnnd beleiben vnnd in dauon nicht dringen lassen, daran thuet ier vnnser ernstliche mainung. Mit urkhundt des brieffs geben zw der Neunstatt am eritag vor sanct veitstag nach Christj gepuerde im vuertzechenhundert vnnd vüervnndsechtzigisten vnnseres khayserthombs im dreyzechen- ten vnnserer reich des römischen im fünffvnndzwaintzigisten vnnd des hungerischen im sechsten jahren. Commissio domini imperatoris in consilio.

RkJQdWJsaXNoZXIy MjQ4MjI2