JOSEF HOCHMAYR AUS DER ALTN ZEIT Was ma uns auf der Enns Aus 'n Erzberg hat bracht, Hat ma mit der Kraft von der Stey(r) Zu vielerloa gmacht. D ' Hammer und d ' Schleifan Hat des Wasser antriebm, Und koa Radl hat 's gebm, Des stehn war da bliebm. A so is 's doh gwen , Etla hunderte Jahr - Und ma wissert 's fast nimmer, Wia des amal war. Auf der Enns hat ma bracht Ausser Eisn ah Holz, Und wer vo die Flößer War da drauf net stolz? Doh d' Hauptsach war 's Eisn Und was gmacht warn is draus , In Stey(r)dorf warn d ' Schmiedn, Des zoagt fast jeds Haus. Warnet leicht oft die Arbeit , Und schwarer wia heut, Ah für d' Werndler war s' allwei(l) A Ehr und a Freud. Dran mahnt uns ah 's Denkmal, Wann ma 's richti betracht - Was des Wissn und d'Händ' Für die Stadt doh habm bracht. Und jetzt - Koa Floß siachst mehr kemma - Koa Radl mehr treibm, Aber 's Wissn und d' Arbeit, Die zwoa - müassn bleibm. Aus dem Gedichtband ,,AUS DER EISEN- UND CHRISTKINDLSTADT" 45
RkJQdWJsaXNoZXIy MjQ4MjI2