54 A kloane Täuschung Wann oana a Roas macht, dann kann a meistens was dazöhln . .. dös alte — Sprichwoart gilt a fürn „Moar in Berg“, der in vorign Jahr z Wels gwön is in Volksföst. Wia a dann mit da Bahn va Wels abagfahrn is — a weng müad war a va den vüln Umagehn in Volksföst und nuh va andane Sachan ah — is a in Kupee richti eingschlafa. So guat hat a gschlafa, das a's gar nöt wahrgnumma hat, daß 's eahm ins offa Mäul ollweil a weng einitröpflt hat. Oba seina in Ge¬ päcksträga is nämli a kloans Kisterl gschtandn, va dens ollwei abatröpflt hat .. — und ausgrechnt in Moar sein Mäul eini, na ja, weil a's woaß wia weit offa ghat hat. Auf da andan Seitn is a junga Mann gsössn — den hat dös kloane Kisterl ghert — der hat schan ollweil so a weng gschmutzt über dös Tröpfln. Na und dann is da Bauer halt doh amal munta worn... hat a Weil a so gschleckt in dö Tröpfln, hats aber nöt dakennt und drum hat a den junga Mann gfragt: „A alter Benediktiner?“ „Na“, hat der jungö Mann drauf gsagt: „A junga Bernhardiner!“ Sein Wunsch Wias halt schan geht —mannigsmal is ah a Mannsbild a weng zwida — denn va Natur aus is da Mann ja a ausgesprochen guatmüatigs Wösen — na und wann a schan amal zwida is, is eh meistens „sie“ d'Schuld. Alsdann, sei's, wia's sei . .. da Hirneder kimmt amal hoam mit an G'sicht, wia wann a an ganzen Erdtoal ausrottn mecht. Sagt sie za'n eahm: „Nau, was machst denn Du heint wiederfür a G'sicht?“ „Geh—, röd do nöt so bled daher“ sagt er drauf, „wann i Gsichta macha kunnt, hätt' i Dir schan längst a anders gmacht!“ A brava Bua Sitzt amal auf da Promenad' drobm beim Werndldenkmal in da Nähat, a alter Herr — wird a Pensionist gwön sein — da fallt eahm auf amal a kloana Bua auf, der olli Papierfetzn, dö a so umanandaglögn san, aufklaubt und auf dö Art den ganzu Platz recht schen sauba gmacht hat. Dös hat den alten Herrn a so gfalln, denn a so a Ordnungsgfühl findt ma ja bei dö heintign Buam überhaupt nimmermehr — und drum lockt a sö den Kloan a weng za eahm zuwa und sagt za eahm: „Dös is aber wirkli schen va Dir, daß du da dö ganzn Papierfetzn a so zsammklaubst, wirst amal a recht a orndlicha Mensch wern, wannst gressa wirst. Was tuast denn nacha mit dö ganzu Papierfetzn und mit den andern Zeigwer, wast da a so zsammklaubst?“ „Ja“, sagt da Bua drauf, „dö schmeiß i olli dort, segns eh, am Ock, ins Briafkastl eini, daß sö da Mann va da Post ban Aushöbn recht örgern muaß!“ Wilhelm Schaumberger, Steyr 9 Früchte-Import und Großhandel Eigene Bananenreiferei Hoisi WEIRG . Eigene Erdnußrösterei STEYR, Ennser Straße 20b / Telefon 2941 und 2942 Serie Filiale LINZ, Hafengelände-Großmarkthalle / Telefon 253136
RkJQdWJsaXNoZXIy MjQ4MjI2