Eisenhandel und Messererhandwerk der Stadt Steyr bis zum Ende des 17. Jahrhunderts

-107- Vnd wan wir aber allzeit genaigt seinn vnserr vndertanen vnd getrewn nutz vnd aufnemen zu betechten,haben wir angesehen solich ir vleissig bete vnd haben in dar durch die bemelte ordnung vnd satzung gnedigklich bestett vnd vonfirmirt, bestetten vnd confirmiren ine die auch wissenlich in kraft des briefs. Wir haben in auch dartzue die sunnder gnad getan, das zy ir erben vnd nachkomen dasselbs im Stainpach all ir hanndlung mit den inwonern vnd auslenndern in kewffen vnd verkauffen haben vnd tun sullen vnd mugen als annder vnser lewt irs hanndtwerchs in vnsern merckten vnd dorffern in vnserm fürstentumb Österreich ob der Enns ze tunn wnd ze hanndeln haben von menigklich vngehindert. Vnd mainen setzen vnd wellen, das zy ir erben vnd nachkomen bey den berürten iren fürnemen zatzungen vnd disen vnsern gnaden genntrlich vnd berüblich beleibenn vnd dawider von nyemand bekümbert noch beswert werden sullen in dhain wege vngeuerlich. Vnd gebieten darauf den edlen vnsern lieben getrewen allen vnsern Hawbtlewten, lanndmarschalhen, grauen freynherrn, rittern vnd knechten verwesern, pflegern burggrauen, burgermaistern, richtern reten burgern gemainden vnd allen andern vnsern ambtlewten, vndertanen vnd getrewn ernstlich vnd wellen das sy die obgenanten messrer vnd scharsachsmid vnd ir erben vnd nachkomen bey den obgemelten iren ordnungen satzungen auch diesen vnsern gnaden vnd bestettung genntzlich vnd berüblich beleiben lassen vnd sy dawider nicht dringen bekumbern noch beswern noch des yemands anndern ze tun gestatten in dhain weis. Das mainen wir ernstlich. Mit vrkund des briefs geben zu Steyr am mitichen vor sannd Cholmanstag nach Christi geburde viertzelenhundert vnd im sibenundsibentzigisten vnzers kaisertumbs in sechsundzwaintzigisten vnd des Hungerischen im newntzehen jaren. Commissio dominici imperatoris in consilio. Original: Pergament, Siegel beschädigt, Akten der Messererzunft Steinbach, Nr. 1, Landes Archiv Linz.