Eisenhandel und Messererhandwerk der Stadt Steyr bis zum Ende des 17. Jahrhunderts

-104- befürdert werden, er bring dann seines redlichen abschaidens glaubwirdige / khundtschafft, bey vermeidung der strafen vorberürter verainigung begriffen, des versehens die schlesischen redlichen werchstet werden auf vnnser an sy gethan schreiben auch khainen gesellen, so son vnnser zu inen khombt an genüegsame khundtschafft seinnes redlichen abschaidens vber vierzehen tag mit arbait befürdern. Dergleichen so sollen die gesellen auf vnnsern werchstetten, wann sy von ainer werchstat auf die annder ziehen wollen, ires / redlichen abschaidens von den fürgesetzten maistern khundtschafft memen. Welcher gsell aber mit khainer khunndtschafft versehen ist, der soll vber vierzehen tag mit arbait nit befürdert werden. Vnd damit zwischen vnns den / niederösterreichischen werchstetten ain merers vnd pessrer ainigkhait vnnser hanndtwerchsordmung vnd ersessen freihaiten dann bißher beschehen gehalten werde, so sollen vnnd wellen wir die niderösterreichischen red / lichen messer werchstet durch vnnserer gesanndte alle zway jahr ain mall auf ainen gelegensamen tag, so wir vnns miteinander süllen vergleichen, zusamen khomen, vnd alda soll was ain werchstat wider die annder / für beschwerung hat fürpracht, gehört vnnd darauf alle billichait gehanndlet, auch sonsten gepürliche einsehung für die hannd genomen werden damit wir die niderösterreichischen werchstet nit allain in gueter ainig / en verwandtschafft miteinannder heben vnd legen, soander auch die werchstet zu befürderung der rhömischen khaiserlichen maiestat camerguet vnd manschafft bey iren gueten lob vnd wirden erhalten werden mügen. Des zu waren vrkhundt vnd gueter gedächtmüs sein dieser vergleichung sechs brief in gleicher laut geschriben deren vnnser jede werchstat ainen zuhannden vbernomen, alle mit vnsser vorgenannten sechs werchstet / jeder aigen anhanngenden innsigl verferttigt. Beschehen am montag den achtzehenndten tag des monats Septembris nach Christi gepurt im fünfzehenhundert vnnd neunundfünffzigisten jare. Orig. Pergament mit anhängenden 6 Siegeln, Stadt Archiv Steyr, Kasten IX/ Lade 28.