Eisenhandel und Messererhandwerk der Stadt Steyr bis zum Ende des 17. Jahrhunderts

-101- vnd sazung / all zeit zuenndern zumern vnd zu mynnern angeuerde Darum gebiet(e)n wir vnsern getrewn lieb(e)n vnsern pflegern vnd richt(er)n, burg(er)n daselbs zu Steir gegenwürtig(e)n vnd kunfftigt(e)n vnd allen annd(er)n vnsern vndertan(en), den(en) der brief gezaigt wirdet vnd wollen ernstlich, daz sy die vorgenannt(e)n messrer / zu Steir vnd ir nachkommen wider dise vns(ere) gnad nicht bekümmern noch beswern in dhain weg, sunder sy von vnsern weg(e)n dabay halt(e)n vnd schirmen, als vor ist berürt vngeuerlich. Mit vrkund des briefs versigelt mit vnsern gross(e)n fürstlich(e)n anhannhund(e)n insigl. Geben zu Lynnz am / sand Anthonientag nach Cristi gepurd vierzehenhundert vnd in dem newmundfünffzigisten jare, haben wir angeseh(e)n der bemelt(e)n messrer zimlich vnd fleissig bete vnd hab(e)n auf solh ir aufrichtig vnterrichtung als herr vnd lanndsfürst in die berürt(e)n ir brief ordnung vnd sazung / desselb(e)n irs hanntwerchs als vorsteet innhaltend vernewet vnd bekraefftigt vernewen vnd bekraefftig(e)n in die auch wissentlich in krafft des briefs main(en) sez(e)n vnd wellen das dis in allen irn punct(e)n vnd artikln darin begriffen genzlich bey krefft(e)n beleibn vnd von nyemand(e)n dawider getan / noch gehannd(e)lt werd(e)n sol in dhain weis dauon gebiet(e)n wir den erwirdig(e)n ersamen geistlich(e)n andechtig(e)n edl(e)n vnsern lieb(e)n getrewn n allen vnzern prelat(e)n lanndmarschall(e)n, hauptleut(e)n graf(e)n freinherrn rittern vnd knecht(e)n, verwesern, viztumb(e)n pfleg(er)n burggraf(e)n burgermaistern / richtern reten burg(er)n genannd(e)n vnd allen vnsern ambtleut(e)n vndertan vnd getrewn. Vnd besunder vnsern getrewn lieb(e)n n dem richter rat vnd vnsern burgern gemainklich dasselbz zu Steir gegenwürtig vnd künfftig(e)n ernstlich vnd wellen daz sy die obgenannt(e)n messrer, gemainklich / daselbs zu Steir ir erb(e)n vnd nachkommen bey den berürt(e)n irn gnad(e)n freihait(e)n vnd dis(e)r vnser vernewung der berürt(e)n ir brief genzlich vnd berublich beleib(e)n lassen vnd in daran dhain irrung noch hindernus nicht tun noch des yemands annndern zetun gestatt(e)n in dhain weis, als lieb in allen vnd in / yeden sey vns(ere) swere vngnad vnd straff zuvermeiden. Das main(en) wir ernstlich. Mit vrkund des briefs, geben zu Grez am mittich(e)n nach zand Lucastag des heilig(en) Evangelist(e)n nach Cristi gepurd im vierzehenhundert vnd achtundzechzigisten vnsers kaisertumbs im sibenzehent(e)n/ vnser(es) reich(es) des Römischen im newnvndzwainzigisten vnd des Hungrisch(e)n im zehent(e)n jaren mit vnser kasserlich(e)n maiestat anhanngend(e)n insigl besig(e)lt. Commissio dominici imperatoris in concilio. Original, Pergament: Münzsiegel an violetter gedrehter Seidenschnur; die Schrift ist an manchen Stel- len abgeschabt. Stadt Archiv Steyr, Kasten XI/ Lade 28.