oder nit, der oder dieselben, sein auch penfallig worden. Vnnd sein anfanngs Zu Aufseher furgenomen Nemlich auf den Zwaien vnndern Zeugen Wolfen Hauptman, vnnd Jacob Schleiffer. Auf des Hannß Pachen Zeug, Anndre Hamerschmid vnd Veit Oder. Vnnd im Aichach Fellnstain vnd Stainpuchler. Alß daß Si Ain Monat oder vier Wochen lanng, Auf die Fluder vnd Ablaß Ir Auf- sehen haben, mit Aufziehen, vnd ablassen vnd in Allem annden wieuorgeschriben stet. Vnnd wann ain Monat, oder vier Wochn verscheint, so sollen zwen Annder derselben Zeug Zugleich auch ain Monat, oder vier wochen Zu vnd aufseher sein, Vnnd Also fur vnnd furgehallten vnd gehanndlt werden. Nemlich das die An- den herundern Zwaien Zeugen sollen aufprechn daß mitter ablaßl, so herunden des Newen Zeug ligt, Auch bei dem vnndtern ablaß. Die an des ÿetzgemelten newen Zeugs, sollen aufprechn die Zwen Abläß, an Irem Zeug. Vnnd die im Aichach, sollen den Newen Ablaß, so die Laurentzin newlichen gepaut hat. Vnnd darzu den Ablaß Ausser oder oberhalbs Zeugs. Vnnd welher Ainer oder mer, in ainem oder mer Ar- tickhl, wie obenbegriffen pruchig, oder fallig wirdet, Ist Alsofft Zu vnableslicher peen vnd straff verfallen, Nemlich Gemainer Stat, zum Statpaw 1 ℔ ₰ vnnd dem Zinshern, so der Zeug zugehört 4 ß ₰ vnnd dem Statrichter daß Wanndl. Vnnd nichtz minder vbernacht, oder solanng, bÿs Er dz Wanndl bezalt, im nachrichthauß gefanngen ligen. Es ist auch ferrer gemacht, vnnd bedacht, durch
RkJQdWJsaXNoZXIy MjQ4MjI2