gewendt vnd der gemain nutz gefurrdert werden mag, haben die gemelt Fraw Guetprotin, von wegn Irer Fluder, Ableß, vnnd Wuergraben. Vnnd der Erber Hanns Schmitten Burger zu Steir in namen vnnd anstatt des H. Hannsen Pachen verwesser des Zeugs, genannt ain newen Zeug. Auch aller annder so Hamer vnnd Schleiffen, an den obbestimmen Zeugen haben Ain veraintliche frundtliche Ordnung wie es hinfuren, an den obberurten Mulln, Hamer, Schleiffen, vnnd Zeugen, in dem Mul oder Wuergraben mit aufziehen der Fluder vnnd Ablessen, in den Wassergussen, gehalten werden sol, mit wissen, willen, vnnd erlauben, der Fursichtigen Ersamen vnnd weisn n. Burgermaister, Richter vnd Rat der Stat Steir, aufgericht vnnd gemacht Wissentlich in crafft diser verainigung Zedl. Erstlich Nach dem der Zeug im Wuergraben vier sein wie vorgeschriben, Ist verordnet, vnd furgenomen Welhe die sein, so auf den yetzernennten vier Zeug Ir Arbait haben, yeben vnnd prauchen. Das Allwegen auff ainem yeden Zeug, so sein Arbait wievorstet da hat, Zwen verordennt sein zum aufprechen. Dieselben sullen Ain Monat, oder vier wochn, Alle tag, so die Nott eruordert, vnd zubesorgen ist, ainer Wasserguß, vor nachta die Fluder aufziehen vnd die Innern Abläß ablassen, damit die Schutt auß dem Graben kom. Vnd wa ainer oder mer zu der vnrechten Zeit aufpräch, das ettwo an dem selben, oder ainem anndern Zeugen nachtail darauff volget, oder möcht entsten, der oder dieselben sein pen fällig, wie dann der hernach bestimbt ist.
RkJQdWJsaXNoZXIy MjQ4MjI2