Wir Burgermaister Richter vnd Rat der Stat Steir Bekennen fur vnns, vnnd vnnser nachkomen mit dem Brieff Allen den Er furkumbt. Das Auff heut Dato in versambletem Rat die hernachgemelten personen vnns anpringen vnd zuerkennen gegeben lassen. Wie Si von wegen Irer Zeug vnd werchgenner in der Steir im Wuergraben, wie es mit Ablaß vnnd annden Zuuor in den Wassergussen gehalten, Ain Ordnung doch inbeiwesen vnnser Zugeordenten aufgericht haben. Mit pitt vnd beger, dieselb Ordnung so hiebeiligund in Schrifft vorgriffen Zuuernemen, vnnd vnnsern Als Irer Furgesetzten Vorgeer, vnnd Obrikait vnnsern gunst, gueten willen, erlauben vnnd bestett darzuzegeben etc. Welch Ordnung von wort zu wort lauttet wie hernach wohl In dem namen des Heern amen. Nach dem die Ersam vnnd tugennthafft Fraw Barbara Laurentzen Guetprot Burger des Ratz zu Steir seligen gelassne witib drei Mul sambt ettlichen Hamern, Schleiffen vnd Zeug, dergleichen Hanns Pach Burger zu Wienn Ain Zeug, genannt der New Zeug, mit Schleiffen vnd Hamern in dem Wiergraben der Steir, im puerckhfrid haben vnnd offt vnnd manigs mal in Wassergussen durch vnfleiß, das die Fluder vnd Ableß nit Zu rechter weil vnnd Zeit sein aufgezogen grosser nachtail vnd schaden mit paw vnnd versaumbnuß daraus entspringen, das sonst wo der vnfleis obberurter gstalt nit gewest, sonnder der Fleiß gepraucht, mermallen solher nachtail, schad vnd saumnus vnnderkemen were worden. Damit Aber hinfuran solch vnfleiß, schad, nachtail, vnnd versaumnuß nit mer beschech, Sonnder so pesst man ÿmer kan vnnd mag
RkJQdWJsaXNoZXIy MjQ4MjI2