76 hornt oder lesent, Daz wir mit wolverdachtem muet nach unserer pesten frent Rat und gunst, und auch mit aller unser Erben guetleichen willen der zeit, do wir ez wol mit recht getuen mochten, recht und redlich versatzzt haben unser Guet genant ze Ramlaw, da der zeit Chnrat der Muller, der eman unser maier gewesen ist, aufgesetzen ist, daz gelegen ist in sand Petrer pfarr bey der Vreinstat, und daz unser Vreys aygen gewesen ist, Dem Erbern mann Conrat dem Purger¬ pavren purger der Vreinstat und seiner Hausfraun Kathrein und ir payder Erben umb Sechtzick piunt pfening alter wienner münzz, di fi uns genczleich gewert habent an all schaden Wir haben in auch das selb guet versaczzt mit alle dew, und darczu gehort, ze Holz, ze Veld, ze Dorff, versuecht und un¬ uersuecht, und haben in das geantwort aus unser nucz und gewer in ir nuczz und in ir ger mit allen den nuczzen, Ern, rechten und dinsten, di davon becomen mugen, alz wir daz gehabt haben in nuczz und in gewer. Es ist auch losung aller iar arleichen an sant Jorgen tag, acht tag vor und acht tag hinnach, und wenn si dez obgenanten faczz nicht lenger in gehaben mochten oder wolten, So schullen si uns losung an¬ pieten mit ainer gewizzen. Losten wir dann dar nach nicht in den nachsten Virczehen tagen umb dem obgenanten Sechzick piunt phening, so schullen si ze hant ierer pfening, di benant sind, davon becomen mit verseczzen oder mit verchauffen, oder wi si allerpest verlust, mit unserm guetleichen willen und schullen wir se daran nicht irren noch hindern weder mit recht noch an recht. Wir schulen auch der obgenanten guetz und auch des faczz darauf in gewer sein an aller stat und auch ze Hoff und ze Tayding, wo in dez nott und durfft geschieht, für all ansprach und chymftigen chrieg, alz landez recht ist ze Österreich. Tett wir dez nicht, was in an der gewerschafft abgieng mit aim rechten, Wiegetanen schaden si dez nemen, den ir ains pey sein tren ungesworn und unberecht gesprechen mag, den selben schaden mitsampt dem Haupguet schullen wir in ablegen und widerchern ganz und gar, und schullen si daz haben dacz unsern tren, und auch auf aller unser hab, wo wir di haben inner lancz und auzzer lancz, versuecht und un¬ versuecht, und schullen si vns darauf phenten an allez gericht
RkJQdWJsaXNoZXIy MjQ4MjI2