871 720. 1380. 0. 0. 22. Juli. (Maria Magdalenatag.) Friedrich Probst und Konvent zu St. Nicolaus bei Passau ver¬ leibgedingen Heinrich dem Reisel und sechs seiner Kinder das Gut Weigolfing Wir Fridreich von Gocz gnaden probst dacz sand Nicla ze Pazzaw, Gorig Techent, und aller Convent doselbs veriehen und tun chund offenleich an dem brif allen den, die in sehent oder hört lesen, Daz wir mit veraintem mit, unser Gut dacz Weigolfing mit allem und dar czu gehört lazzen haben ze Leibgeding, Hainreich dem Reisel. und Sechs seinen Chinden, daz ist Vlreich, Chinrad, Hannsen, Stephan, Margreten, und Chlarn, alain zu ir Siben leiben, Mit der beschaden, daz sew uns Järleich, wie daz Jar stet, wol oder übel, davon dienen sullen an unser frawn tag alls si geporn ward, ain piunt gaber pazzawer pfenning und zwaj Hun, und ze Ostern zween Chas und Sechzikch ayer. Verczugen sei virczehen tag dar nach, so habent seu alles ir recht an dem vorgenannten gut, gar und ganz verlor. Ez sol auch Jarleich ir ainer, wer der ist der daz gut wesenleich inn hat, in unser Stift gen, wo man in die hin gepeitt, und sol zwaj Hün darin ze Stift geben und nicht mer: Seu sullen auch noch enmugen das selb gut, noch irrew recht daron weder verseczzen noch verchauffen, umb wenik noch umb vil, an unser wizzen und besunder vrlaub oder sich hieten aber allem irew recht veruallen in unser ge¬ walt: Seu sullen auch da selb gut zu allen zeiten stiftleich und puleich legen ze uel und ze dorff an abgank aller unser voderung: und wenn di obgenanten siben leib nicht mer sind, zu welcher zeit daz in dem Jar ist, so ist uns daz selb gut gar und gänzleich ledig mit allen ern und niczzen, als wir ez danne vinden zy veld, ze dorff, an irrung und zuspruch aller irr frevnt und erben. Daz daz also stät und vnczerbrochen beleib geben wir in den brif beigelten mit unserm (!) anhan¬ gundem Jnsigel. Der brif ist geben an sand Maria Magdalen tag, Nach christ gepurd drew czehen Hundert Jar und in dem achczkistem Jare. Siegel hängt. — Orig. auf Perg. im k. bayr. Allg. Reichsarchiv in München. St. Nikolaus, Kloster.
RkJQdWJsaXNoZXIy MjQ4MjI2