850 703. 1380. Enns. 13. Mai. (In den Pfingstfeiertagen.) Der Rat der Stadt Enns verleiht Hanns dem Müllner an der alten Brücke und dessen Frau die dem Spital zu Enns gehörige Mühle an der alten Brücke zu Enns zu einem Kaufrecht. Wir der ganz Rat der Stat ze Enns de dye zeit des Rat¬ gewesen sind veriehen offenleich mit dem prief und tan chun¬ allen den dy in sehen hörent oder lesent, Das wir nach rat gunst und gutem willen der eltern und der pesten purger aus der gemain ze Enns. Recht und redlich verlichen haben zu ainem rechten Chawfrecht als chaufrechts recht ist in dem Land ob der Enns, Hansen dem Müllner an der alten Prukk und seiner Haussurawen van Gueten und allen iren Erben, Sinen und Töchtern von Erben ze Erben, Die Mul gelegen ze Enns an der alten prukk, di da gehört zu unserm Spital ze Enns, und haben in de verlichen mit allen eren nützen und rechten, di dar zu gehörent, wie dy genant sind versucht und unversucht Jn solcher beschaden, das se oder wer dy obgenanten Mul¬ nach in Jnne hat unserm obgenanten Spital ze Enns do von raichen und denen schüllen ze rechtem dinst alle Jar Järleich an sand Michel tag zwen und dreizzk meczen duerres chor¬ Und darzu alles das Malter des das obgenant Spital bedorff. das schol man ym an der selben Mül gäntzlich aus richten und malen an alle Matt und an alle vadrung und nicht me¬ an alles geur, Sew und all ir erben mügen auch mit dem ob¬ genanten irem chawfrecht und mit iren rechten an der obge¬ nanten Mul, allen iren frumen wol schaffen, versetzen, ver¬ chaffen, machen und geben, wem sy wellent vnuerczigen des Spitals rechten und vadrung. Es scholl auch alle Handlung all zeit geschechen mit der purger willen und wizzen ze En¬ und nach irem rat und mit unsers Spitalmaisters Hant, und wem dy obgenant Mul fürbas mit der purger willen und wizzen gemacht oder geben wirt der scholl all zeit mit sein selbe leib dar auf sitzen und dye Jnne haben Jn allen den rechten als oben an dem prief geschriben ist an alles geuar. Vnd schol¬ auch di Mul fürbas an der purger willen und wizzen nindert verchumert werden. Wir der gantz Rat, wer dy zeit Rat ist ze Enns schüllen und wellen auch des obgenanten chaufrechts
RkJQdWJsaXNoZXIy MjQ4MjI2