846 Winckler und ich elzpet sein hauffraw und unser erben haben Jn geben dem genanten Gotshaus zu Walthawsen ain ganzen versigelten chauf prief, der sagt, daz ich genanter herbort winckler mit gesampter hant das obgenant haus mit sampt der hofstat, daz nu zu ainer ganzen hofstat gemacht ist, ge¬ chauft hab von christan dem Sin auch mit gesampter hant. Ob daz wer, daz si icht chrieg oder ansprach gewunnen an der genanten hofstat weingarten, oder ob Jn mit recht dar an icht ab gieng, von welherlay erben oder ansprach das wer mit recht, So schüllen si mir oder mein erben den obgenanten chauf prief wider in geben ganzen und vnczeprochen mit sampt dem chauf prief, domit sey wir irgwer und scher für alle ansprach, alz des Landes recht ist in Osterrich. Wer aber, daz di prief verlaren oder zuprochen würden und für recht nicht pracht wurden, So sei wir und auch unser Amptmann wer der ist di zeit, des scherm vengolten. Vnd waz Jn fürbas mit recht dar an ab get, das schüllen wir Jn allez ab legen, aus richten und wider cheren an allen iren schaden und mue Und waz Jn daran abget, das schüllen si haben auf uns und vnuerschaidenleich auf allen dem gut, das wir haben, wir sein lebentig oder töt. Und der zu vrchund diser sach, wann ich genanter herbort winckler niht aigen Jnsigel han, So gib ich dem genanten Gotshaus zu Walthasen mit gesampter hant den prief versigelt mit meins Amptmans Jnsigel hern Hainreichs des Prenner, wann ich Jn des vleizzig gepeten han. Der zu han ich vleizzig gepeten di zwen erber mann Niclasen von muczesperg di zeit ainer des Rats der stat zu Newnburg und Seyfride den Stechen, wann er di potschaft gewarfen hat, daz si der sach auch zeug sein mit iren Jnsigeln. Der prief ist geben noch christi gepurd drewczehen Hundert Jar, dar noch in dem Achtzigster Jar acht tag vor dem Phingst Tage. Die Siegel sind verloren. — In dorso von einer Hand des 15. Jahr¬ hunderts: „litera super Hofstat nenburge ad prelaturam. Orig. auf Perg. im Museum Francisco Carolinum zu Linz.
RkJQdWJsaXNoZXIy MjQ4MjI2