845 698. 1380. 0. 0. 6. Mai. (Acht Tage vor dem Pfingst Tag.) Herbort der Winkler, Elisabeth, seine Hausfrau, verkaufen an das Gotteshaus und an den Konvent zu Waldhausen ihre Hofstatt Weingarten in der Steingrueb um 4 Pfund und 70 Pfennige Wiener Münze. ICH Herbert der Winckler und ich elzpet sein hauffra¬ und unser erben, Wir veriehen und tun chunt mit dem pries allen leuten, di in sehent, lesent oder hörent lesen, di nu lebent oder her noch chünftig sint, Daz wir mit unser erben guten willen und gunst und mit gesampter hant zu der zeit, do wir es wol tun möchten, und mit unsers Amptmans hant hern hinreichs des prenner di czeit Amptman unser vrain gotshaus zu Newnbürg chlösterhalben mit rechter fürziht verchauft haben unser hofstat weingarten, daz emalen ain haus an ist gewesen. Nu hat mein gnädiger herr der erwürdig herr Probst cholman unser vraien gotshaus zu Newnburg in das erlaubt, ob di hofstat den Grundienst getragen müg, So schüll man in lazzen daz haus ab prechen, den mag di hofstat wol getragen also, daz alle recht schüllen vol pracht werden von der hofstat vor dem amptman, wer der ist, des gotshaus unser vrawen über di Staingrub, und dez ist pot gewesen Seyfride der Steck gegen mein hern und leit dew hofstat in der Staingrub zu nachst mein genanten herbortz haus und stöst an der hern hofstat von Walthausen, Do man alle Jar von der hofmarch und hof¬ stat daran dient unser vrawn gotshaus zu grunt dienst an sant michels tag Sehczehen wienner penning und war mit alter dar auf her chômen ist und nicht mer. Dew egenanten hofstat haben wir mit rechter fürczicht verchauft und geben umb vir phunt und Sibenczig phennig alles wienner müntz, der wir gar und ganz verricht und gewert sein zu rechten tägen, dem Erbern Gotshaus zu Walthausen und dem ganzen Convent gemain desselben gotshaus zu walthausen in und allen iren nochchmen fürbas ledichleich und vreyleich ze haben, allen iren frumen da mit ze schaffen mit verchauffen, mit versezen und geben, wem si wellent, an allen irsal, alz in das aller pest fügunt ist. Auch ist ze mercken, daz ich genannter Herbort
RkJQdWJsaXNoZXIy MjQ4MjI2