843 auch schirmen zu dem rechten ane penning und an all ander gabe, und sol sich auch derselb man denne ausreden an alle vel als lang, vncz er recht nach spricht. Darnach so geben wir — dem genanten gotshaus die drey mutt habern gelts gelegen auf dem Dorff ze Seytrernsdorf, die man uns zu unser herrschaft ze Weytenekk ieriklich gedient hat und was wir dienstes oder ander rechten da gehabt haben, und dar zu die aigen¬ schaft des selben dorffes, das der genant Haydenreich von uns ze lehen gehabt und er dem gotshaus gefügt und gegeben hat, so beschaden und geben wir in auch für uns und alle unser erben von unserm ampt und zieden an der Hallstat alle iar ewikleich sechzig füder salcz zu notdurft dez gotshauses und gebieten allen unsern amptleuten daselbs gegenwärtigen und künftigen, daz si in dasselb solcz ieriklich also geben an alle widerred und hindernüzze und haben die wal das ze füren mit einander oder bei ainczingen an alle mautt und czolle. Auch haben wir si mit aller hab, der si zu notdurft dez klosters und conuents bedurffen, gefreyet ewikleich also, daz si daz allenthalben in unserm Land auf wazzer und auf land füren mogen auch an alle zoll und maut und an alle andre irrung Denn umb die vogtey desselben gotshauses und aller der leut und guter, die ez yeczund hat oder fürbaz gewinnet, die haben wir uns selber behalten und wellen des als fürst und herr dez landes selber obrister vogt und schirmer sein, also doch, umb wen uns oder unser erben in prior und conuent daselbs, die ye zu den zeiten sein, bittent, den sullen wir in geben zu ainem vogt und schirmer von unsern wegen, und wenne in der nicht gevellet, so mügen si in verkeren, wenn si wellen, und uns umb einen andern bitten, der in füglich ist, und den sullen wir in auch denne geben. Wir haben in auch die gnad getan und wellen, wer in das obgenant Kloster, als das mit marumbuangen ist, kumet, da der ganzen frid und freyung haben sol umb alle erbere sachen und getat, davon gebieten wir allen haubtleuten lantherren ritter und knechten phlegern purggrafen richter mautern und zollnem lantleuten edeln und vedlen und allen amptleuten und andern unsern undertanen, wie die genant sind, den diser brief geczaigt wirt, und wellen gar ernstlich, daz si das vorgenant gotshaus und die geist¬
RkJQdWJsaXNoZXIy MjQ4MjI2