776 ich geben macht, wem ich wolt und hat mir auch dar umb zu phant versaczzt den Hoff zu Talon und drey hofstet da selbz daz allez halbz lehen ist von dem Hochgeborn fürsten Herzogen Albrecht von Österreich und Halbez von unser gnedigen Herren von Hern Rudolfen, von Hern Reinprechten, von Hern Fridreichen von Waltse. Darnach hab wir in auch gegeben meiner genanten Annen leibgeding — alz mir iz mein Voder wirt selig mit seinen prieffen lazzen hat, de¬ selben hab wir sey allez gewaltig gemacht mit Herren hant. Wir haben in auch geben Virczich hunt penning da selb¬ auff einem saczze, auf drin gütern, sind Purckrecht von dem Abt von paren und den selben Saczze han ich vorgenante Anna geledigt mit meinem Vaterleichem erb und ist mir auch ledichleich gesprochen von Herrn Rudolfen von Waltse. Dar¬ zu so haben wir in geben allecz daz Cimer, das wir auff den obgenanten Hoff getan haben, und auch allecz daz, das wir an allem gut gepezzert haben, — umb ein gelt, dez wir von in ganz und gar gewert sein zu rechten tegen und an allen schaden, dar uber so hab wir im daz obgenant gut allez, mit allen unser rechten und auch mit allen unser Priesen, di wir dar über gehabt haben, geben und geantwort in ir gewalt, und seczzen sey sein an rechte nucz und ger aus unser ger in di iren — —, und über daz allez, so seczen wir uns in dez Chauffs zu scherm und zu ger für alle ansprach Und get in dar über an dem obgeschriben allen icht ab mit recht, —, dez sey schaden nemment, —, diselben schaden schullen wir in all ablegen und schullen sey die haben auf unser und auff aller der Hab und wir haben, — und si mügen uns auch mit unserm gütleichem willen dar auff notten und phenten, — vncz dacz sey scheden und Hauptz von uns ganz und gar werdent ausgericht, dar umb so schullen se¬ auch niemans Veintschafft dulden, weder unser noch unser Herschaft, noch chains gerichts. Daz die red also stet und vnuerchert beleib, dar umb gib ich obgenanter Perchtolt Stadler in den prief, für mich und für all mein erben zu vrchund der warhait versigelten mit meinem angangunden (!) Jnsigel, Hinder daz verpint ich mich auch ich obgenanten Anna Perchtols des Stadler Hausfrau mit meinen trevn an aides stat di obge¬
RkJQdWJsaXNoZXIy MjQ4MjI2