755 617. 1379. Salzburg. 3. Dezember. (Samstag nach St. Andreastag.) Sold- und Schadensquittung Dietmar des Weizzenekker, Hertwig Stadlers, Ulrich Mosers und anderer auf Erzbischof Pilgrim von Salzburg Ich Dietmar Weizzenekker, ich Hertweig Stadler, ich Vlrich Moser, Ich Thoman Schönauer, ich Lipp Schonnawer sein Brüder, ich dietreich Pazzel, ich Georg Scheich, ich Eberhart Pawer und ich Seyfried Hager, wir veriehen offenlich mit dem brief, daz der Erwirdig fürst unser genediger Herr Her Pilgreim Erzbischof ze Salzburg, Legat des Stils ze Rom uns von der dienst wegen, die wir im getan haben in dem chrieg, den er mit Wilhelm dem franberger und seinen Helffern ze Bayern gehabt hat, alles Soldes, dez er uns, unser Schützen und dien dar umb schuldig gewesen ist und aller schaeden, die wir in seinem dienst, vncz auf heutigen tag genommen haben, wie die genant sind gaenzleich ausgericht und fürderleich bezalt hat, Also daz wir noch ander yemant von unsern wegen dar umb hincz unserm vorgenanten Herren von Salzburg seinem Goczhaus und nahchômen, noch hinz allen den iren nimmer mer dhain ansprach noch vordrung haben schullen noch wellen in dhainen weg an geur, weder mit recht, noch an recht, da¬ loben und versprechen wir mit unsern trewn an aydes stat und dar über ze vrchund geben wir obgenant disen brief ver¬ sigelten mit meines obgenanten dietreichs de Pazzel anhan¬ gundem Jnsigel und mit dez erbern chnechtz Lienharts des Sintzinger aygen anhangundem Jnsigel, der daz durch unser vleizzigen pet willen an den brief gehangen hat, im und seinen erben an schaden, under den obgenanten Jnsigeln wir uns all genante verpinden, für uns und die unsern allez daz stät ze haben, und ze volfüren daz an dem brief verschriben ist, der geben ist ze Salzburg, an Sampcztag nach sand Andrestag, nach Christi gepurd drewczehen Hundert, Jar, dar nach in dem Newn und Sybenczikistem Jar. Orig. aus Perg. (beide Siegel fehlen) im k. u. k. H. H. und Staatsarchiv in Wien. Eodem loco et dato mit ganz gleichem Wortlaut quittieren: 1. „Ich Chünrat Steger, ich Hainreich Steger, ich Gaengel Ymperdorfer, ich Hanns Rathalminger, ich Hanns Reiter, ich 48
RkJQdWJsaXNoZXIy MjQ4MjI2