741 606. 1379. o. O. 17. November. (Pfincztag nach Martin.) Zeugenschaft Mertel des Chirichpacher und Konsorten über die Gefangennahme Heinrichs von Ernfels durch Hermann den Kirchheimer, Schaffer am Pyrn, und über das vom Ernfelser gemachte Gelöbnis. Ich Mertel der Chirichpacher und ich Erhart Ottendorfer und ich Vlrich Volker, und ich Chünzel der Beyer purkgraf auf dem Turn an dem piern, wir veriehen alle mit dem offen prif und tun chund allen den dy in an sehent horent oder lesent, das wir da pey gewesen sein gesehen und gehört habent, das der erber chnecht Herman von Kirchaim Herrn Dyetreichs von Abensperg schaffer zu den tzeiten zu dem Spital an dem Piern Herrn Hainrich (!) von Ernuels fanchnüzz genöt hatt, das der vorgenant Her Hainrich von Ernuels dem Egenanten Herman von Kirchaim gelobt und verhaizzen hat pey seinen tren als ain piderman dem andern verhaizzen und geloben sol auf dem veld, wann Herr dietrich von Abensperg in das Lant gein Steyr oder gein Kernden chmt, in welche vest oder geslozz er infordert oder mont, da sol er im vnuerczogen¬ lich hin laisten dar nach in acht tagen und von danne nicht komen an seinen willen an alles geuer, und ob in yemant her wider vienge er im laistet, so sol er dy weil nicht anders ezzen dann wazzer und prot als lang vncz das der vorgenant Her Herman (!) von Ernuels dem Egenant Herren dietrich von Abensperg layst, als er dem vorgenant Herman von Chirichaim gelobt und gehayzzen hat. Auch hat der vorgenant Herr Hain¬ reich von Ernuels dem genanten Herman von Chirichaim bey seinen tren gelobt und gehaizzen für alle seine dyener, wie dy genant sein, mit namen, dy des tags bey im waren do er in vieng und vanchnüzz nottet, das si laisten und sich stellen sullen an alles geur, wann se der vorgenant Herr dietrich von Abensperch fordert oder mont, ze gleicher weizz als er sich selber stellen und laisten sol, an alles geur, Ausge¬ nomen den Aygner, der bey im waz, da der vorgenant Er¬ felßer vanchnüzz genött ward, den hat der egenant Herman von Chirichaim vanchnüzz genot das er im selber laysen (!) zu seinen Handen an all auzczug, in welche vest und geslozz er in montt oder fordert in welchem Lande das gelegen sey
RkJQdWJsaXNoZXIy MjQ4MjI2