721 allen den er für chumpt, umb den Chorhof ze Pazza, gelegen zwischen der Leibmiczer Hof, und des Pfarrhof, zu sand Pauls, der weilent meins pruder Hern Gundacher Chorherrn doselbs ze Pazzow sligs gewesen ist, den er mir und meinem pruder Hern Perichtolden Chorherrn und pfarrer ze Salzpurch an seinen lesten zeiten geschaft und gelazzen hat, also, das wir etwas seins gescheftes davon ausrichten solden, das wir auch redlich und gänzleich getan haben. Nu het ich vorgenannter Herneid von Losenstain meinem egenanten pruder Hern perich¬ tolden meinen tail des vorgeschriben Hofs vor etlich zeit zu seinen Lebtagen gegeben, also, daz der selb Chorhof, nach seinem tod her wider an mich und an mein erben gäntzleich geuallen solt, alz er des brief von mir hat, dar nach haben wir uns, ich und mein prüder Berichtold, aber gäntzleich ver¬ aint, also, das ich im meinen tail des Hofs gegeben han, mit aller zugehörung und auch gib gegenbürtichleich durch prüder¬ leiche trew mit dem brief, mit der beschaden, daz ich noch mein erben, noch niemant von meinen wegen chain ansprach hin für nimmer mer dar zu gehaben, noch gewinnen sullen, mit recht oder an recht, und mag, der oftgenant Her Berichtold, mein prüder, den vorberürten Hof geben, schaffen, verchauffen, wem oder wann er wil, doch nach recht und gewonheit ander Chorhof ze Pazza, wie in gelüst an alle irrung mit meinem und meiner Erben gütleichem willen und günst, und des zu einem vrchund gib ich im den brief beigelten mit meinem und des Erwirdigen mein lieben Swager Hern Johansens von Schärffenberch, die weil Timprobst ze Pazzaw anhangunden Jnsigeln, der daz durch mein fleizzig pet an den brief gehangen hat, im an allen schaden, der gegeben ist nach Crist gepürt drewtzehen hundert Jar, dar nach in dem Newn und Sibenczi¬ gisten Jar, des Suntags vor Simonis et Jude der Heiligen zwelpoten. 1. Schildsiegel von ungebleichtem Wachs zeigt den ganzen Panther. 2. rot, spitzoval, unter einer gotischen, altarartigen Verzierung der Schärffen¬ berg'sche Schild mit der Krone. Orig. auf Perg. im k. bayr. Allg. Reichsarchiv München: Passau, Stadt.
RkJQdWJsaXNoZXIy MjQ4MjI2