705 ze Grecz und die Hauptmanschaft ze Steyr gehöret, als es ein Hauptman daselbs vntz her inngehebt hat, und darzu die Herzogtum ze Kernden und ze Krain, die Herrschaft auf der Windischen Marich, ze Porttnaw, ze sterreich, in der Metlik, ze Felters und ze Sibidat und die Grafschaft und Herschaft ze Tyrol mit dem Lande an der Etsch und in dem Jntal, und darzu die Grafschaft ze Habspurg, ze Phyrt und ze Kyburg, die Marggrafschaft ze Burgow und die Landgrafschaft ze Elsazze und die Stat und Herrschaft ze Fryburg in Ochtland, und alles das das wir baide vormalen vncz auf disen heutigen tag mit einander gehebt haben ze Swaben, ze Elsazzen und in Brisgow, ez sey aigen, lehen oder phant, wa das gelegen und wie das genant ist geistlich und weltlich nichts ausgenomen, Mit allen Herrn, Rittern, und Knechten und mit allen den Vesten, Stetten, Merkten, Dörffern und Gütern, Mauten, zöllen, gerichten, Vogteien, gelaten, Wiltennen und allen andern Ampten, niczen und gülten, wie die genant oder wa die ge¬ legen sein mit fürstlicher Herschet und vollen ganzen ge¬ velten und mit aller lehenschaft und Manschaft, geistlicher und weltleicher, alz wir bede dieselben Herzogtum, Herschefte und gebiete vncz her pracht und inngehebt haben. Darczu sein wir auch verain komen, da die obgenanten unser beder Land mit namen Osterreich und das Land ob der Ens, Steyr, Kernden und Krain sullen gegen einander mit Strassen, Mautten, Zöllen und Nyderlegungen beleiben und gehalten werden, alz das bei dem egenanten unserm lieben Herren und Vatter Herzog Albrechten seligen herchomen ist vncz an uns, Vnd sol da wider unser weder dhain newung, an des andern willen und gunst nicht machen noch tun in dhainen weg. Ob auch unser dhainer mit seinen Herren, Rittern und Knechten oder mit ander yemann in seinen Landen ichts ze schaffen hiet oder ze tun, des sol sich der ander nichts an nemen in dhain Weise, An alain was er mit freundlicher Pet an im gehaben mag. Ez sol auch unser dhainer in des andern Landen und gepietten nichts kauffen, noch verpfenden an des andern willen und günst. Ob auch, dauor got sei, unser dhainer oder nach uns unser dhains Erben an erben abgiengen, So sullen alle desselben Land, fürstentum und Herrschefte auf den andern und auf seine erben
RkJQdWJsaXNoZXIy MjQ4MjI2