704 versetzt sind, Dieselben Stuk alle vorbenant uns Herzog Leu¬ polten und unsern Erben beleiben sullent ewicleich, Doch mit solichen auszügen, daz di Vesten Starhemberg, Püten, Ternberg und Swertzenbach mit allen zugehörungen und mitsampt dem Lantgericht auf allen den gütern, die darzu gehörent dem genanten unserm Brüder Herzog Albrechts beleiben sullent. Aber umb das Lantgericht auf den Velden und auch auf den Strazzen, die auf denselben Velden geent, die zu Püten ge¬ hörent, Sol ez steen an unser lieben getren Haidenreichen von Meissaw obristen Schenken in Österreich, Hansen von Liechtenstein unserm Herzog Albrechts Hofmaister, Götfriden Müller Hofmaister und Hainreichen Gezzler kamermaister unser des genanten Herzog Leopolts, also, was die vier darnach, so si das beschaut habent, zwischen uns darumb sprechent, daz wir das bede genczlich stet haben und dabei bleiben sullen. Es sullent auch unsere Salz Sieden ze Ausse und an der Halstat und das Salz ze Gmunden, mit dem Salz füren und verkauffen steen und beleiben, alz es vncz herkomen ist. Auch sullen wir Herzog Albrecht die Purkhüten und dienst auf die Vesten Gütenstain, Püten, Starhemberg, Ternberg und Swerczenpach alain ausrichten und sol unser Brüder Herzog Leupolt furbaz nichts gebunden sein dar czu ze geben. Es sullent auch alle Herren und edel leut, Ritter und knecht und all Phaffen, die in dem vorgenanten Landgerichte ze der Neu¬ stat gesetzen sind, unser Herzog Albrechts seyn und in unser Hoftayding gen Wienn komen, und uns in allen sachen mit vollen und ganzen gewelten zugehören und gehorsam sein alz irem rechten Herren, Und sullen auch wir derselb Herzog Albrecht alle lehen in dem genanten Lantgericht leihen. Aber die Phaffhait in der Newstatt ze Neunkirchen, ze Schadwienn und ze Aspang und im zugehörungen, alz oben geschriben ist, sullen dem egenanten unserm Brüder Herzog Leupolten bleiben. Dagegen sullen wir Herzog Leupolt und unser erben zu der Neunstat und andern Stuken, die uns droben aus beschaden sind, haben und besiczen ewicleich zu unserm tail, das Land und Herzogtum ze Steyr mit den gemerken auch von des von Salzburg gebiet derrichts ab vntz an das Vngrisch als das oben aus beschaden ist, und als das alles in die Hofschrann
RkJQdWJsaXNoZXIy MjQ4MjI2