703 Herren auf der Windischen Marich und ze Porttenaw, Grafen ze Habspurg, ze Tyrol, ze Phirt und ze Kyburg, Marggrafen ze Burgau und Landgrafen in Elsazzen, Bechennen vnd tun kunt offenleich mit dem brief, Daz wir nach rat unsers Rates mit güter vorbetrachtung durch gemaches und frides willen unser selbs und aller unser Erben und Nach komen, und auch aller unser Land und Leut verain komen sein wissentlich eyner solchen Taylung unser Land und Herrschaften, alz hie¬ nach geschriben stet, Des ersten, das wir Herzog Albrecht und unser Erben zu unserm tail haben und besiczen sullen ewiclich das Land und Herzogtum ze Österreich oberhalb und nyderhalb der Ens mitsampt der Vest und Stat ze Steyr und aller irr zugehörung, die in die gemerk des Landes ze Steyr nicht treffen noch ruren, als uert die Hof Schrann und Haupt¬ manschaft ze Grecz get, und mit der Halstat und dem Jscheland und allem dem so darzu gehört von dem Payrischem gemerk¬ an des von Salzburg gebiet, derrichts dem Steyrischen gemerk nach ab untz an das Vngrisch, und darczu was in die Hof Schrann ze Wienn gehört mit allen Herren, Rittern und knechten, und mit allen den Vesten, Steten, Merkten, Dörffern und gütern, Mautten, Zöllen, Gerichten, Vogteien, gelaitten, Wiltennen und allen andern Ampten, niczen und gülten, wie die genant oder wa di gelegen sein mit fürstlicher Herrschaft und vollen ganzen gewelten, und mit aller lehenschaft und Manschaft geistlicher und weltlicher alz das alles in die genante Hof Schrann ze Wienn und die Hauptmanschaft ob der Ens, oder die Phleg ze Steyr gehört, alz das ein Lantmarschalich in Österreich und eyn Hauptman ob der Ens oder ein Purggraf ze Steyr vntz her inne gehebt habent. Ausgenomen der Stat ze der Newstat mit allen iren Rechten, freyhaiten und gnaden in Steten, auf Wazzer und auf Lande, als Si di bei dem Hochgebornen fürsten unserm lieben Herren und vater Herzog Albrechten seliger ge¬ dechtnisse gehabt hat untz an uns, und mit dem Kirchenlehen daselbs und dem Lantgericht, daz von alter darzu gehört und den Markt ze Neunkirchen und der Vest Klamm und Schad¬ wenn dem Markt und Aspang Vest und Markt mit allen iren zugehörungen, und dar czu den zehenden und Perkrechten in demselben Lantgericht ze der Newstat gelegen, die yeczunt
RkJQdWJsaXNoZXIy MjQ4MjI2