68 sprach recht und redlich, ze chauffen geben haben unser gut an dem prant genant in pehaimperger pharre gelegen, da¬ freyes ist, dem chindlein, Elspeten, Petern dez pawern dochter ze Steyr und seinen erben, und haben in auch das selbig gut gegeben mit aller der stät und si dar zu bedürffen aus unser n cze und gewer in ir nucze und gewer mit allen den eren rechten und nuczen die dar zu gehörent und da von becomen mugen, ze Holze, ze velde, ze wismad, ze ważner, ze waide, ez sei gestifft oder ungestifft gepawen oder ungepawen wie daz alles genant ist, versucht und unversucht, umb ain gelt. dez si uns ganz und gar gericht und gewert habent, Also da wir noch alle unser erben hincz dem selben gut nimmer mer dhain zusprüche noch ansprach haben noch gewinnen sullen weder mit recht noch an recht und tun uns auch dez aller sache ganz und gar mit dem prief ze fürzicht. Wir sullen und wollen auch desselben guts ir gewer und fürstant sein, wo in de nôt und durft geschicht nach dem Lants recht als chauffes freyes aigen recht ist in dem Lande ze Österreich. Namen si dar ber von der gewerschaft wegen mit recht indert dhainen schaden, wie der selbig schad genant wurde, den si oder irer erben ainer pei iren trewn an aide gesprechen mugen, denselben schaden sullen wir in aller sache genczleich und gar awsrichten ablegen und wider cheren an alle widerrede und sullen auch daz haben dacz uns und unsern tren und dar zu dacz aller unser hab und wir haben, wo wir die haben inner lants oder wzzer lants versucht und unversucht und desselben schadens da von becomen an chlag, furbot und recht so si aller nachst mugen mit uns und unser erben gütleichem willen und wort, wir sein lembtig oder tod. Daz die rede hinfür staet und un¬ uerchert beleib dar ber gib Jch Hans der paternostrer dem obgenannten chindlein Elspeten, Petern des Pawern dochter und seinen erben den prief für mich und alle mein erben zu ainem sichtigen waren vrchünde der warhait vorsigilten mit meinem anhangunden Jnsigil und zu einer guten gezeugnisse mit der erbern Gotfrids dez Sinczenperger und Niclasen der Hinder¬ holzer den zeiten phleger ze Steyr und mit Eberharts dez Mulbanger den zeiten Statrichter ze Steyr anhangunden Jnsigiln in an schaden. Geben nach Christi gepurde Drewczehen Hundert 44
RkJQdWJsaXNoZXIy MjQ4MjI2