686 von dem Bischof ze Babenberch und von demselben Gotshaus ze Lehen gehabt han, da Vrbar gelegen in der gegent, die genant ist Gebelschirichen, es sey phenning gilt oder welherlay gult oder zins daz ist, und den Vorst gelegen an dem Haus¬ rukk, und meins rechten Lehens, das ich ze Lehen gehabt han von dem Abbt ze Lambach und von demselben Gothaus, den Hof ze Penibanch und Sechzehen zehenthaus, die darzu ge¬ hörent, und alles das, daz zu demselben Hof gehöret, und meins rechten Lehens, das ich von dem Abbt ze Menne und von demselben Gotshaus ze Lehen gehabt han, die Manschaft ge¬ legen in dem Drêtnéchal, die edel Law, Purger und Par von mir ze Lehen gehabt habent, Vnd meins rechten Aigens den Wald mit grunt mit all, der da haizzet der Pranwald, ge¬ legen pey der genanten Vest ze Starichenberch und den Hof ze Rotenpach, den Hof auf dem Portz, und den Hof ze affenanch und alles daz, daz zu denselben dryn höfen gehöret, das alles aigen ist, und den zehent auf denselben Höfen und auf aller irer zugehörung, der Lehen ist von dem Bischof und dem Got¬ haus ze Pazzaw, und aberso meins rechten aigens die Man¬ schaft der Vest das Sant Jörgen, und alles daz, daz darczu gehoret, und die Manschaft des Sczes an dem Mos, da zu den zeiten Wernczel der Jöriger auf gesetzen ist, und alles daz, daz darzu gehöret, und die Manschaft des Sices in der Peunt, und alles daz, daz darzu gehöret, da zu den zeiten Werczel der Duczschenperger auf siczet, und alle die Manschaft, die ich gehabt han Oberhalbe der Ens, die edel Law, Purger und Parn von mir ze Lehen gehabt habent, es sein Hof, Hueben, zehent und Güter, wie die genant sint und wo die oberhalb der Ens ligent, Si sein aigen oder Lehen. Auch han ich dem genanten meinem Herren Herzog Albrechten, und seinen Erben verchaufft und geben alle die Vischway, die zu der genanten Vest ze Starichenberch gehörent, Dieselben vischway ich von den Grafen von Schonberch ze Lehen gehabt han, und daz Lantgericht und alle die Gericht, die zu der genanten Vest ze Starichenberch gehörent, die ich auch von den Grafen von Schonberch ze Lehen gehabt han, und die vreyn aigen, die in dasselb Lantgericht gehörent, der fünf schilling guter sint und dient ye das Gut alle jar ainen Meczen habern Vogt-
RkJQdWJsaXNoZXIy MjQ4MjI2