685 560. 1379. Wien. 23. August. (St. Bartolomaeus abend.) Ruger von Starhemberg, der Jüngere, verkauft an Herzog Albrecht die Feste Starhemberg und den Markt Hag am Hausruck, die Mann¬ schaft der Feste Weidenholz und alle Mannschaft, welche er vom Bischof von Passau im Lande ob der Enns besaß, die bambergischen Lehen zu Gebolskirchen etc. Ich Rüger von Starichenberch der Jünger, hern Gundachers Sun von Starichenberch, Dem Got gnad, Vergich für mich und für all mein Erben und tun kunt offenleich mit dem brief allen den, die in sehent lesent oder hörent lesen, die nu lebent und hernach chünftig sint, Daz ich mit gutem willen, mit wol¬ bedachtem mut, mit gunst aller meiner erben und nach Rat meiner nechsten frent zu der zeit, Do ich es wol getun mocht, Verchaufft und geben han meinem gendigen herren, Dem hochgeborn fürsten herzog Albrechten ze Österreich, ze Steyr, ze Kernden und ze Krain, Graf ze Tyrol etc. und seinen Erben, Von erst meins rechten Lehens, das ich von dem Bischof ze Pazza und von demselben Gotthaus ze Lehen gehabt han, mein Vest genant Starichenberch gelegen oberhalb der Ens an dem Hausruck und den Markcht ze Hag, gelegen pey der¬ selben Vest mit aller seiner zugehörung und den Pawhof ge¬ legen under der Vest und alles daz Paw und wismat, daz zu derselben Vest gehöret, und daz holz, daz genant ist der Viecht, mit grunt mit all, und dacz (!) holz, daz genant ist der Chogel, auch mit grunt mit all, payde gelegen pey der genannten Vest und alle die zehent, die ich gehabt han, die gelegen sint daselbens in Starichenberger gericht, und die Manschaft der Vest ze Weydenholz und aller irer zugehörung, die ich von dem Bischof und dem Gotshaws ze Pazzaw ze Lehen gehabt han und die denn die Weydenholzer von mir ze Lehen ge¬ habt habent, und alle die Manschaft, die ich von dem Bischof und dem Gotthaus ze Pazzaw ze Lehen gehabt han, die edel Law, Purger und Parn von mir ze Lehen gehabt habent, wo dieselb Manschaft oberhalb der Ens leit, es sein zehent, Hof oder Hueben, oder wie die güter genant sint. Darczu han ich dem egenanten meinem herren herzog Albrechten und seinen Erben verchaufft und geben meins rechten Lehens, das ich
RkJQdWJsaXNoZXIy MjQ4MjI2