45 guete 1 oder wie die genant sint, des ersten, So gib ich um, menen Hof mit allen nuczen und rechten, die dar czu ge¬ horent gelegen cze Kchophsteten neben der chirchen und der 2 mein aygen ist, und gib ym auch zwanzig phunt wienner phenning geltz gelegen ze Schrich und die mein secz sint ron dem Herzogen und die mein Ledigs guet sint, und mir ledichleich worden sint von meinem eern wirt Herrn Hansen dem Greyffen, und gib ym auch zweifthalb tag werch wismad gelegen in dem marchort pey dem Hof, und suben schilling penning geltz gelegen zu Leumansdorff in dem Marchor und daz gut zu Ströbleinsdorff, das mein Satz ist von meinem vorgenanten prüder und fünfthalb hunt penning geltz zu Reisenberg die auch mein Sacz sint von dem Herzogen und alle die gueter, die ich han zu Wildungsmaur und zu Choph¬ steten die mein Leibgeding und mein Morgengab sint von meinem ern wirt Herrn Gotfrids von Wildungsmaur selig, und gib ym auch alle mein varunt hab, es sey viech, Ros, che, oder Schöff oder wie die genant ist oder wo ichs hab, si sey in dem brief geschriben oder nicht, die vorgenant alle mein Hab, si sey geschriben in den brief oder nicht, Gib ich mit allen niczen und rechten, die darzu gehorent und als ichs in nucz und in gewer herpracht han, meinem obgenanten Pruder Hainreichen von Chlamm und seinen erben fürbaz ledichleich und vreyleich zu haben zu gleicher weis als ich selben, und da die wandlung furbaz also staet und vnczeprochen beleib, dor ber So gib ich vorgenante Agnes Herrn Hermans Tochter von Chlamm meinem ostgenanten prueder Hainreichen von Chlamm und seinen erben, den brief ver¬ sigelten mit meinem Jnsigel, und mit meiner Ohem Jnsigel, Herrn Chunratz von Sachsengang und weykhartz von Aren¬ stain, die ich dor umb vleisleich gepeten han, dat si der Sach gezeugen sint mit iren Jnsigeln in an schaden. Der brief ist geben des Suntags zu Mittervasten Noch Christi gepür tausent drey Hundert Jar und ym Sechs und Sibenczkistem Jar. Alle 3 Schildsiegel von lichtbraunen Wachs. 1. 6 Kugeln (3, 2, 1), im Viereck die Legende : S. Agn. is de Chl . . . . . . 2. Geteilte Schild ........ enganger.“ 3. Aar mit offenen Flügen. . Orig. auf Perg. im herzogl. Coburg'schen Schloßarchiv Greinburg (Grein).
RkJQdWJsaXNoZXIy MjQ4MjI2