34 pfarrer zu Hörsing vnndt der kirchen daselbst. Es soll auch ein yeglicher Caplann der Capellen ze Traun die obbenannten guetter, die wir zu unser stifft daselbs geben haben in nucz und gewer innhaben, vnnd die nuczen und niessen in aller der mass als wir die gehabt haben, wann wir die ime ge¬ antwort haben, auss unsern nuczen und gehr in ihr nutz und gehr, doch also, da derselbe Caplan, wer der ist, dieselbe güetter nicht verkhumern sol. Er soll auch kain un¬ rechte forderung noch steur davon nicht nemben, nur den rechten dienst. Jch obenannter Hanns von Traun, oder wer die vesten Traun mit recht innen hat, sollen der obenannten Capellen daselbst recht lechen herr sein, also als oft ein Caplann daselbs mit todt abgehet, so sollen wir ein geordnen priester dieselben Capellen leyhen durch bott vnnd nicht gaben. Wir sollen auch vorgenannter guetter lechenherr, vogt und schermb sein, doch den Caplann an seinen nutzen unentgolten, und sollen dieselben guetter beschirmen nach all unsern ver¬ mögen vor allen unrecht und sollen daz thuen ohn alle gab und muth also daz kain Vogtrecht wir darumben nemen sollen, beschäch aber, das dem Caplan, wer der ist, ein be¬ schwerung von der vogthey wegen widerfuhr, da mit die stifft und güetter gekrenckt wurden, als offt daz geschäche, so mag der Caplan anruffen den Landsfürsten, derselbe der soll den Vogtherr dann weisen, da er die stifft vnndt den Caplan bey recht bleiben lasse. These daz der vogt dann nicht, so mag der Landsfürst den Caplann vnndt die 3) mit ainem andern vogt besorgen, der si bey der recht behalt. Es soll auch der genannt Caplann, wer der ist, der die Capelle inn hat pfäfflich leben und ordentlich vnndt die Capellen erbarlich innhaben und besorgen alle tag mit einer mess, es were dann daz er von notturfft wegen einen tag oder zween in der wochen ohne mess bleiben wollte; daz sol stehen datz seinem gewissen. Er soll auch mit seinem selbst leib auf der stüfft sitzen, die weil er lebt. Wär aber, da der Caplann daz nicht tett und daran saumbig were, der gottesdienst undt mess nicht vol¬ bracht wurde, als oben geschriben steht, oder mit den güettern nit rechtlich handlet, so mögen wir oder mit recht ze Traun herr ist uns der obgenanten guetter underwinden vndt die
RkJQdWJsaXNoZXIy MjQ4MjI2