31 24. 1376. Wien 11. März. (Erchtag vor Sonntag Oculi in der Fasten.) Herzog Albrechts von Oesterreich Schiedsspruch zwischen seinem Kammermeister Jorg von Liechtenstein von Nicolsburg namens seiner Frau Dorothea weiland Hannsens von Puchheim Tochter einen: und Ulrich von Dachsberg anstatt der Kinder seines saligen Bruders Wolfger anderntheils wegen Heirathsgüter. Wir Albrecht von gotes gnaden, Herzog ze Österreich, ze Steyr, ze Kernden, und ze Krayn, Graf ze Tyrol 2: Bechennen und un chunt, Das für uns, und unser Herren, chômen unser getrer lieber Jörg von Liechtenstein von Nicolspurg, unser Chamermaister, an stat der erbèren Dorothen, weilent Hansen von Pücheim tochter seiner elichen Hausfrowen, mit vollem gewalt, an aim tail, und unser getrer lieber Vlreich von Dachs¬ perg anstat weilent Wolfgers von Dachsperg, seins brüder kind ouch mit vollem gewalt an dem andern tail, von der zu spruche wegen, die si gen einander hetten, von Heyratgüter wegen, und bechanten da vor uns, swaz unser Herren dar umb er¬ funden, und sprechen zu dem rechten, daz si ze peder seit dabey beleiben wolten. Nu habent die selben unser Herren erfunden, und gesprochen, Swaz des geltes sey, das widerlegt sey, das sulle und müge die vorgenant from Dorothe ir lebtège nuerchumbert inn haben, Aber nach irem tod, so sulle ez, gevallen, auf des vorgenanten Wolfgers von Dachsperg Chinder, Dann die Tausent phunt, die sey angestorben von weilent dem Stuchsen irem Enen, und swaz ouch dez dinstes ist, der mit rechter raittung von denselben Tausent phunden geuallen ist von sand Jörgentag vncz auf die zeit, da die frow vogter worden ist, alz der brief, der darüber gegeben ist, damit sol und mag si allen iren frumen schaffen, und geben, wem si wil. Mit vrchund diez briefs, Geben ze Wienn an Eritag vor dem Sonntag Oculi in der Vasten. Nach Kristes geürd Dreuzehen Hundert iar, Darnach in dem Sechs und Sibenzigsten Jare. In dorso: „Ain vrtal zwischen dem Kamermaister seligen und dem Dachs¬ perger.“ — Siegel: in rot die 5 Länderschilde im Fünfpaß (klein) auf gelber Wachsschale. Von Sava Fig. 42. Orig. auf Perg. im Archiv der regierenden Fürsten von Liechtenstein in Wien.
RkJQdWJsaXNoZXIy MjQ4MjI2