26 genedigen Herren Hern Eberhart von Kapellen Houbtman ze Enns und allen seinen erben, mein halbe Hub dacz Zeidlarn gelegen in nerner phar mit aller ir zugehörung, do er vor¬ malen daz ander halb tail von meinem audem dem Volkrat gechauft hat, umb ein gelt, des ich ganz und gar gericht und gewert pin ze rechten tegen an all scheden. Ich und all mein erben sein auch der genanten halben hueb ir recht geweren, wo in des not geschicht nach des Landes recht ze Österreich. Gieng in aber an der gewerschäft icht ab mit recht, und da¬ si des zu schaden chômen. Das sullen wir in aus richten an allen iren schaden. Teten wir des nicht, Swie getann schaden si des nemen, den ir ains pei sein trewen slechtlich gesprechen mag denselben schaden sullen si haben dacz uns und dacz unser trewen und dar czu auf aller unser hab, die wir haben, wo wir die haben und davon becomen an chlag und an recht mit unserm guetlichen willen, wir sein lebentig oder tod, auch sol ich genante Kathrei meinem obgenanten Herren von Kappellen die brief geben, die ich über die obgenant Hueb han von meinem Steussin zu samt dem gegenworttigen brief. Wer aber, dat yemand, dhain ansprach gewinn nach der genant halben Hueb, do si vnser zu bederfften zu einem fürstand, do sullen si vns die brief zu leichen, die wir gehabt haben von unserm stevisen. Daz wir si piderben und alspald wir si dann gepiderbt haben, so sullen wir in dieselben brief unterzogenleich wider geben, und an alles gever, und das das alles also stet und vnczerbrochen beleib, Dar ber zu einer war vrchund der sach gib ich in für mich und für all mein erben den brief versigelten mit meiner Lieben frent insigel, Vlreichs des Wieschendorffer, und Seifrids von neunhofen, di ir insigel durch meiner vleizzigen pet willen an den brief gehangen haben und dar under ich mich verpint mit meinen trewen an aides stat, alles das stet ze haben und ze volfueren, daz an dem brief geschriben stet, Geben nach christes gepurt dreu czehen hundert jar, Darnach in dem sechs und Sibenczigisten jare am Aschtag. Schildsiegel 12, auf gespaltenem Schild ein Balken, 2. fehlt. Orig. auf Perg. im k. u. k. H. H. und Staatsarchiv in Wien.
RkJQdWJsaXNoZXIy MjQ4MjI2