durch unser vleizzigen ped willen im und seinen Erben an allen schaden, geben an phincztag nach unser vrawntag der Lichtmezz nach christ gebürt drewczehen Hundert jar darnach in dem sechs und Sibenczigisten jar. Von Siegel 1 und 2 die Siegelflächen abgefallen. Siegel 3 von grünem Wachs, Helmsiegel (bekannt). Orig. aus Perg. im k. u. k. H. H. und Staatsarchiv in Wien. 16. 1376. Salzburg. 10. Februar. (St. Scolastica.) Schadensquittung Rupprecht des Aber Bürgers zu Obernberg auf Erzbischof Pilgrim zu Salzburg ausgestellt wegen eines Rosses. Ich Rüpel Aber, weilent Burger in der Vest ze Obernberg, vergich offenlich mit dem brief, für mich, für mein Erben, Freund, Helffer und diener, umb das Ros, daz mir meins gnadigen Herrn Hern Pilgreims Erzbischofs ze Salzburch, Legaten des Stils ze Rom, und in seins Gotshaus dienst ab¬ gangen ist, die weil ich sein burger ze Obernberg gewesin pin und auch umb all ander sach, und Schaden, dar umb er mir ichts schuldig und gepunden waer, wie sich daz gehandelt hiet, vncz auf den Heutigen tag, daz mich des mein vor¬ genanter Herr von Salzburch, gaentzlich und gar ausgericht und beczalt hat, das mich wol genügt, Also daz ich, noch mein Erben, noch ander ieman von unsern wegen, dar umb noch dar nach hincz meinem vorgenanten Herren von Salzburg, seinem Gotshaus, und nachchomen noch hinz allen den iren, furbas nimmermer, ichts ze sprechen noch ze vordern sullen noch wellen haben, mit recht noch an recht, noch in dhainen Schaden dar umb zu ziehen, in dhainem weg an gevaer. Das lob und versprich ich mit meinen tren an Aydes stat, für mich für mein Erben, Freund, Helffer und diener, an gevaer, Und dar über ze vrchund, gib ich den offen brief versigelten mit meinem anhangundem Jnsigel. Der brief ist geben ze Salzburch, do nach Christes gepürd ergangen waren, dreutzehen Hundert Jar darnach in dem Sechs und Sibenczigistem Jare, an sant Scolastice tag. Orig. aus Perg. im k. u. k. H. H. und Staatsarchiv in Wien. (Salzburg.) Siegel fehlt.
RkJQdWJsaXNoZXIy MjQ4MjI2