19 genanter Thoman von Zemlow und mein sin Ruedel di zeit agner Jnsigel nicht haben, so hab wir verschleich gepeten den erbern unsern Junchherren den Pernharten den Druchsetzen dar er den chauf an unser stat bestaetigt hab mit seinem an¬ hangunden Jnsigel im an schaden dor under wir uns verpinden mit unsern trewn allez daz stet ze haben daz an dem brief geschriben stet. Der sach sind auch di czwen erbern Piligreim der flaming und Leb der Druchsetz auch mit ir payder an¬ hangunden Jnsigeln in an schaden. Der brief ist geben noch Christi purd dreu czehen Hundert jar dor noch in dem sechs und Subenczkisten jar an sand Blasitag *) Hier setzte der Schreiber vorerst ein „E“ an und durchquerte es. Orig. auf Perg. im Landesarchiv von Oberösterreich; alle Si¬ ehlen. 13. 1376. Salzburg. 4. Februar. (Montag nach Liechtmess.) Erzbischof Pilgrim von Salzburg quittiert von Albrecht Bischof von Passau die Loskaufsumma der 3000 um Schloss Obernberg erhalten zu haben. Wir Pilgreim von gots genaden Erzbischof ze Salzburg, Legat des Stils ze Rom, Bechennen und tun chunt offenlich mit dem brief, das uns der Erwirdige unser lieber freund Her Albrecht Bischof ze Pazzaw an der lösung seines, und seines Gotshaus Geslozz ze Obernberg, daz er uns und unserm Got¬ haus versetzt hat, ganzlich ze Salzburg in unser Stat an aen unsrer und unsers Gotshaus schaden verricht und bezalt hat drew Tausent pfünt güter wienner pfening und derselben drei Tausent pfunt sagen wir in, sein Gotshaus ze Pazzaw und sein Nachkommen an der losung dez egenanten irs Geslozz ze Obernberg slechtlich ledig und los an alles genaer, und dar uber ze vrchund geben wir den brief versigelten mit unserm anhangünden Jnsigel, der geben ist ze Salzburg an Montag nach Liechtmezz, Nach Christes gepurd, Dreyzehen Hundert Jar, dar nach in dem Sechs und Sibenczigistem iar. Das kleine Siegel des Erzbischofs von grauem Wachs hängt. Orig. auf Perg. im k. u. k. H. H. und Staatsarchiv in Wien. (Salzburg.)
RkJQdWJsaXNoZXIy MjQ4MjI2