15 wir mit veraintem mit recht und redlich versetzt haben unser Guet, daz gelegen ist dacz Obern Murham, und da Hänsel di weil auf gesetzen ist, dem beschaiden Meingozzen von Holtz seiner Hausfrawn und allen im Erben, wie di genant sind, oder werdent, umb zweiff pfunt wienner pfenning, di si vns berait und an rechten noten dar auf gelihen habent. Wir haben in auch daz Obenant Guet geantwort aus unser nuczz und gewer in ir nuczz und gewer in Saczz weicz mit stifft und mit stor und mit allen den Ern, rechten und auch niczzen, di dazu gehört, ze holz, ze veld, ze waid und ze wismad, ez sey besucht oder unbesucht, alzo wir daz selber inn gehabt haben. Und sein auch dez Saczz ir gewer und fürstand, wo in dez not und durfft geschieht, alzo dez Landes recht ist. Wir aber, ob wir oder unser Erben oder yempt von unsern wegen in Chrieg oder in vall wolten tun an dem obuerschriben Saczz, Daz war mit Geistlichem oder weltleichem rechten, daz sol alz ab tod und ze nichte sein, und wider den im brief und in nuczz und gewer dhain chrafft nicht haben, und sullen si auch alle rew recht, wie di genant sind, gen uns und aller unser hab an aller stat erlangt und behabt haben und wir gen in verlor, und welherley Chrieg oder mutwillen wir gen in dar umb anhueben, da sol si di Herschafft, oder wer an irer stat ist zu schem und in dez vor sein. Wir haben auch losung aller iar vor Liechtmizz virczehen tag oder hin nach vierzehen tag umb di obuerschriben zweif pfunt pfenning, di dann gib und gab sind an allen abslach, und wann wir daz von in gelzen, so sol in die Stifft inn beleiben, und sol dann der man, der di weil auf dem gut ge¬ setzen ist, das selb iar mit ruen siczzen. Auch ist mer ge¬ sprochen, ob wir als lang nicht laten, vncz daz ich obe¬ nanter Orttolff von Waldekkain aygen Jnsigil gewunn, wer dann der ist, der daz von im wegen an uns traett, dem sull wir den brief neven an schaden und an aller widerred. Vnd daz in oder wer den brief mit irem willen inn hat und uns da mit ermont, Daz alzo stät beleib, Gib ich Frow Anna von Waldekk in den brief mit mein aygen anhangundem Jnsigel, und ze einer pesser sicherheit mit Petern der Tuemair insigel, der daz durch unser fleizigen pet willen an den prief ge¬
RkJQdWJsaXNoZXIy MjQ4MjI2