278 a vermachen und verpurgen, das sie in dieselben guld und den nebstekomend sand Jorig tag richten und beczalen, - ob sie Jn dann die selben beczalung lenger verczugen, das dieselben Bürgen nach dem sie von dem selben unserm Oheim seinen Erben, iren gewissen boten oder brieuen werden gemant in Regenspurg in der Stat in offener wirte Hewser die sie in weisen sullen, leisten, als leistens recht ist, yclicher mit sein selbs leibe und 5) mit einem knecht, und mit zweien pferden. Oder mit einem erbern und sust) einem knechte und mit czweien pferden, welcher selber nicht leisten wolde, und das die auch aus der leistung nymmer chomen, als lang bis das der genante unser Oheim und seine Erben der selben vier tausend gulden und Sechs hundert gulden genezlichen ge¬ richtet und beczalet werden. Und ob derselben Burgen einer oder mer abgingen, oder von dem Lande furen, ee dann der selbe unser Oheim oder seine Erben des nechst genanten geldes beczalet worden, So sullen sie in andere gleich gute Bürgen ander abgegangen statt wider setzen in dem nehsten Monat dannach und sie ermant werden, oder die blieben Burgen sullen leisten gleicher weis als oben stet geschrieben, als lang bis das die selben abgegangen Burgen genezlichen wider werden ge¬ seczet. Es sullen auch die selben unser Sweger dem obge¬ nanten unserm Oheim dem Lantgrauen und seinen Erben sulche verzeichbrieue uber die Herschaft und Grafschaft zu Halse und auch quit brieue von der genanten Neuwen tausent gulden und vierhundert gulden wegen geben und mit iren anhangenden Jnsigeln versigeln als wir die darüber haben ge¬ machet. So sol auch der oft genante unser Oheim der Lant¬ graue den oft genanten unser Swegern von Beyern seine ver¬ sigelte brieue geben und sich dar ynnen für sich selber und seine Erben verzeichen der obgenanten zweier Vesten Ernek und Reczenhouen mit allen iren Eren Nutzen. Rechten und zugehörungen als vor stet geschrieben, auf die oft genanten unser Sweger von Beyern, und ire Erben, Also das der selbe unser Oheim und seine Erben die selben unsere Sweger und ire Erben daran mit deinen anspruchen und vorderungen mit geistlichen oder weerlichen (!) *) gerichten heimlichen oder offen¬ lichen nymmer mer gehindern, angereichen noch angesprechen
RkJQdWJsaXNoZXIy MjQ4MjI2