205 258 137. 0. 0. 21. Mai. (Pfinstag vor St. Urban.) Vertrag der Bruder Thoman und Jacob der Schonauer über das Erbe ihres verstorbenen Vaters Heinrich des Schonawers mit ihrem Bruder Peter dem Schonawer. Ich Thoman, ich Jacob geprüder die Schonawär, Hern Hainreichs des Schonawer seligen Sün und all vnsser Erben. wir veriehen und tün chund, Offenlich mit dem gegenbürtigen Briff allen, den er fürchumbt oder gezeigt wirt, die Jn lesent oder Hörent lesen, das wir mit wolwedachtem muett und nach ratt und weisung unsser nachsten und pesten frent der Zeit do wir es woll getun machten, lieplich und frentlich uns verricht und veraint haben mit unserm lieben Brüder Pettern dem Schönauer, umb all daz gutt, das uns unser lieber Vatter Her Hainreich Schönnawer sälig hinder Jm lazzen hat. Es sey varund gütt oder anlikchund gütt, Es sein Erb, Aygen, Lehen, Pürkchrecht, Wisen, Akcher, forst und auch das wir vor mit der Hannt gelihen haben, oder hinfür leihen schulten, wi daz genant ist, oder wo daz gelegen ist, darin nichts ausgezogen an alz geuer, Das haben wir Jn alles auf geben mit ganzer fürczicht unserm lieben vorgenanten Brüder Pettern dem Schonnawer, seiner Hawsfrawn und allen seinen Erben, Darumbe sew alle di geltschuld, die uns unser vorgenanter Vatter selig hinder Jm lazzen hat, all ausscholl richten. Es sein gen Christen oder gen Juden, an all unser schaden und darczu habent se¬ uns auch genug getan von yerem aygen gutt, des uns von Jn woll genuegt, dar umb das wir uns der obgeschriben Stuch und Gütter verzigen haben und verzeichen uns auch der allen wissenlich mit dem gegen bürtigen Brif, also daz wir noch all unser Erben hiefür dargen dain zuspruch noch ansprach, Vordrung, noch rechten, weder vil noch wenichk, weder von Raitung wegen, noch von dainerlay sach wegen, wie di ge¬ nant möcht sein weder mit recht noch an recht in hainerlay weis gen In noch gen den voruerschriben Stucken und güttern nimermer gehaben schullen noch wellen. Wir schüllen und wellen auch fürbaz dhainerlay raitung an sew nicht wegen
RkJQdWJsaXNoZXIy MjQ4MjI2