248 ganz Perchrecht, auf allen weingärten, gelegen an dem Neun¬ perg, und czway phunt wienner phenning gelts gelegen daselbens ze Aichaprunn auf zwain behousten halben Lehen und ein halb phunt geltes gelegen daselbens auf einer Hofstat, und aindles Schilling und zwanzig phenning wienner münzz geltes, ge¬ legen daselben ze Aichaprunn auf Syben Hofsteten, und fünf und Sybenczig phenning gelts auf Weingärten und vierzig phenning geltes, auf vrbar äckchern, ouch gelegen daselbens ze Aichaprunn, Darnach mit unsers Lehenherren Hant, dez Erbern Herren Hern Hannsen von Liechtenstein von Nicols¬ purch — ein behousts Lehen gelegen ze Aichaprunn, da zu den zeiten der Chastner aufgesetzen ist, mit alle dem dienst als uns das unser vater selig lazzen hat, und ein Lehen Paus auch daselbens gelegen, Darnach mit unsers Lehenherren Hannt des Erbern Herren Hern Jörigen von Walte von Lyncz unsers rechten Lehens, das wir von Jm ze lehen gehabt haben, Syben Schilling wienner penning geltes, auf weingärten gelegen ze Aichaprunn hinder dem Dorff und haizzt in den Penten, und halben zehent auf den selben Weingärten, Darnach mit unsers Lehenherren Hannt des Erben Herren Hern Hannsen vom Clemens — unsre zway Hölzer, mit grunt mit alle gelegen ze Roreprunn, und die wayd gelegen ze Aichaprunn, und unser Pratten, der zehen gwanten Akchers ist, gelegen zwischen Aichaprunn und Roreprunn, und Ayndles Schilling wienner penning geltes, gelegen dacz dem Chadolts, auf zwain behousten Lehen, Die vorgenanten Güter alle und alles das das darzu ge¬ höret, und alles das das wir ze Aichaprunn gehabt haben, ze uel und ze dorff, Es sey gestifft, oder ungestifft, versucht oder uner¬ sucht, wie das genannt ist, haben wir dem vorgenanten unserm Swager, Weykcharten dem Häring und seinen Erben, Recht und redlich verchoufft und geben, mit allen den niczen und rechten, alz uns die selben guter von unserm Vater Cholmann von Aichaprunn, dem Got gnad, angeerbt und angevallen Sint, und als wir die alle in Lehens gewer herpracht haben, umb vierd¬ halb Hundert phunt wienner penning, der uns der vorgenant unser Swager, Weykchart der Hering, ganz und gar gewert hat, Also daz er und sein Erben sullen fürbas die vorgenannten güter allen mit aller irer zugehörung so vorgeschriben stet,
RkJQdWJsaXNoZXIy MjQ4MjI2