237 mir und mein drin kehindern geschaft und geben hat, —, also beschadenleich ist, das wir chinder mit einander gewinnen, da schüllen die vier Hundert pfhunt von meinen talen (sic) gegen meinen kehindern auf erben und gevallen, nach unser payer tod. Wer aber daz ich Obgenante Katrey abging von meinem wirt und nicht hinder pey im hiet, so schol mein wirt Paul der Redler die vier Hundert pfhunt auf meinen tail in nucz und in gewer innen haben — vnuerchumert vncz an seinen tod, und nach seinem tode schullen die vier Hundert piunt her wider erben und geuallen aus meine chinter Jansen, Margreten und Annen und auf derselben hint nachst erben an allen chrieg und irreal. Wer aber, das ich vorgenante Katrey sturb vor meinem wirt, so mügen und haben vollen gewalt und schullen meine chinter Jans, Margret und Ann daz recht haben, daz si meinen tail, den ich meinem wirt ver¬ seczt han für die vier Hundert pfhunt phenning losen Schullen an sand Merteins tag, welches Jars si wellen, oder mügen umb die obgenanten vier Hundert pfhunt und schol man denn die selben vier Hundert pfhunt wider an legen nach rat meins wirtz Paulen dez Redler zwar freunt, und nach rat meiner chinder zwar frent an ein gut, da derselbig mein wirt in nutz und in gewer innen hab vnuerchumert vncz an seinen tod, und nach seinem tod her wider erben und gevallen auf meine genanten chinter, und auf derselben Chinter nachst erben, —, und da die red fürbas stet und vnczebrochen bleib, dez gib ich Obgenante Katrey den brief versigelt mit meinem Anhangunden Jnsigel und mit meins suns Jansen von Pelach anhangunden Jnsigel, der den brief bestet mit sampt mir, wann er wol zu seinen Jaren chomen ist, der sach ist zeug der Erber Herr Her Dietreich von Losenstain und der Erber Herr Her Marchart von Tierenstain mit im anhangunden Jnsigeln, in an schaden, Nach Christi gepurt drewczehundert Jar dar¬ nach in dem Siben und Sibenzigsten Jar an sant Jorgen abent. Siegel 1. und 2. fehlen. 3. Losenstain. Schildsiegel „Vorderteil des Panthers, im geteilten Schild, oben wachsend also noch genau wie Starhem¬ berg-Steyr. 4. Schild- und Helmsiegel, im Schild ein Lindenblatt, auf der Helmspitze Stulphut, oben mit Straußenfedern besteckt. Zerschnittenes Orig. auf Perg. im Niederösterr. Landständischen Archiv in Wien. Nr. 938.
RkJQdWJsaXNoZXIy MjQ4MjI2