221 172. 17 1377. 0. 0. 12. März. (St. Gregortag.) Filipp der Gatringer und seine Frau reversieren Petern dem bein von Chernek, den Satzbrief über das durch ihn gelöste und Ersterem versetzt gewesene Gut zu Gostasreut wieder rückzustellen. Ich Philipp der Getringer und mein Hausvraw Offney (sic), und all unser erben vergehen und tan chunt mit dem brif allen den di in sehent, horent oder lesent umb daz gut ze Gostasrêt gelegen in Hyrfpekcher pfarr, da der Zeit di Neusslinn auf gesezzen ist, und daz unser satz gewesen ist von dem Erbergen Petren dem beyn von Chernek und von seinen erben, für att pfunt pfenning winner münzz, alz der brif sagt, den wir von in dar über haben, hat derselb Peter beyn und sein erb recht und redlich da selb gut ze rechter los zeit umb di selben att pfunt pfenning von uns gelöst und haben auch di selben pfenning von in enphangen und solten in auch den brif den wir über den selben satz gehabt haben, wider hend hin wider in ir gewalt gegeben haben, den mott wir der zeit niht gehaben, und darumb verpinden wir vnz mit unsern tren an ay des stat, Alz pald wir des selben satz brifs becomen, daz wir in den widerhend in ir gewalt geben wellen, und wenn wir daz getan haben, so schullen si vnz den gegenbürtigen bris auch her wider geben, und all di weil wir dez nicht tun, wo dann der selb satz brif von uns oder von wem daz war indert für cham, so sol er in zu dhainen schaden und vnz zu dhainem from chômen, und sol gentzleich tod und ab sein, wann wir hintz dem selben gut nimmer nicht ze sprechen schüllen haben weder mit recht noch an recht und was wir darumb mit dem selben satz brief fürbaser mit in ze chrig würden mit recht oder an recht, das schullen si an aller stat gen unz behabt, und wir gen in verlor haben. Mit vrchund dez brifes, den ich in gieb für mich mein havsrown und all mein erben versigelten mit meinem Anhangunden Jnsigel, und mit der Erbergen Herren Hern Otten von Wald anhangunden Jnsigel, das er durch unser pet willen daran gelegt hat zu zeugnuzz im an schaden. Der brif ist geben Nach christi gebürtt dreyzehen hundert jar, dar nach in dem Syben und Sybentzkisten jar an sand Gregorii tag.
RkJQdWJsaXNoZXIy MjQ4MjI2