200 hat, auf dem Luzz, der gelegen ist in dem Pürkchuld gen Rasstain zenachst Chinratz der Zinespons Luzz und auf einer Peint am Warttpühel mit samt der wis da selbes und dar zu er schuf fünf Pfunt pfennig, daz dester miner abgangs war, an dem ewigen pfunt geltz mit dem selben pfunt Winnen Pfenning ewiges geltzz man im und seiner Havsvrown Jerich¬ leich einen ewigen Jartag begen sol, Und di egenanten füm¬ pfunt Pfenning ich ingenomen han von meiner Steufmüter Katreyn, der Starhantz Swester und wol bedähtichleich do für versatzztt han, mein wies in der Pukchow, Also mit aus¬ genomen worten, Daz daz egenant pfunt ewiges geltz auf der¬ selben wis und auf dem genanten Luzz gen Rasstain und auf der Pewnt am warttpühel mit sampt der wis da pei gelegen ligen sol, und alle lar Jerichleich derselb Jartag von in oder wer di egenanten stuch inn hat, dovon begangen soll werden, an alz verzichen am nächsten tag nach unser vrown tag der Schidung, und in welchem Jar wir den selben Jartag an dem genannten tag also nicht volfurtten, alz vor verschriben ist. So schüllen sich di Purger des Ratz in der freynstat der¬ selben stuch underzihen, und den Jartag, Jerichleich do von begen, als vor verschriben ist, und wenn daz ist, Daz ich oder wer di egenanten akcher und wis inn hat, ain pfunt ewiges geltz auf gestiffte gut chauffen, wo daz ist, da er wol gelegen ist, und daz chauffen nach der Pürger rat dez rates der freynstat, Also daz der egenant Jartag Jerichtleich dovon begangen wert, so schullen afftenden der genannt Lus und Peint und di zwo Wis her wider mein und meiner erben unser vreys Ledigs Purkchreht sein und dez zu Vrchund gib ich obgenannter Hans dez Schertzleiches son für mich und all mein erben, den Offen bris versigelten mit meins Ohayms Jacobs pei dem Tor und Jacobs dez Megerleins Purger in der freynstat anhangenden Jnsigeln, di si durch mein pet willen daran gelegt habent, zu zeugnuzz in an schad, Und dor under ich mich verpintt mit meinen tren, allez daz stet ze haben, daz vor verschriben ist, wann ich der Zeit agens Jnsigels nicht enheet, Der brif ist geben Nach unsers Herren Christi gepurtt Drey¬ czehen Hundert Jar, dar nach in dem Syben und Sybentzkisten Jar am Vreytag der chottemer in der Vasten.
RkJQdWJsaXNoZXIy MjQ4MjI2