173 gut inn haben von Grafen Heimo von Trühendingen und seinen Erben. Wurd denn derselbe von Truhendingen oder sein Erben dyselben vesten und güter lösen, dasselbe gelt darumb dann wirdet gelöset, sullen aber dy vorbenannten vier einnemen, und daz innhaben alz lang und in aller der weys, alz vor stet ge¬ schriben. Wer auch daz der vorbenanten einer oder sy beid dy wir der Bischoff dar zu haben geben, abgiengen, oder in dem Land niht wen zu den zeiten, so daz vorgenante gelt solt oder möht gevallen. So mügen wir und unser Nachkomen einen oder zwen aus dem Capitel an derselben stat dar zu geben dasselb mügen auch wir von dem Capitel tun gleicher weys ob wir dydy wir darzu geben haben niht möhten gehaben und di selben sullen denn aber daz gelt inn haben in aller der weys, als vor stet geschriben und wir Lampreht Byschoff dauerbenant bekennen an disem brife, das wir alle Stück und artikel alz sy hievor an disem brif stent geschriben und ir iglichen besunder sullen und wollen getreulich halten an geuerd und dez haben wir unser trew gegeben und dez zu den Heiligen gesworn und zu merer sicherheit haben wir gebeten unser lieben andechtigen den: abt uff dem Münchperg und ander Stifte, ze Bamberg zu sand Stephan, zu Teurstat und zu sand Jacob. daz sy zu gezeugnisse irer Capitel Jnsigel zu unserm an diesen bris haben gehangen, und wir Otto Abt uff dem Münch¬ perg, und wir Johans zu sand Stephan Heinrich zu Teurstat, Conrad zu Sand Jacob. Techante, und alle Chorherren, der vor¬ benannten Stift gemeinklich und besunder bekennen an disem brife das wir durch dez vorgenanten unsers Herren des Byschof von Bamberg bet willen unserer Capitel Jnsigel an dissen briff zu gezeugnuss haben gehangen, und wir Heinrich Techant und das gemein Capitel des Stifts ze Bamberg davor benant bekennen an disem brife das wir auch alle Stuck und artikel als sy dauor von wort zu wort stent geschriben und ir iglichen besunder sullen und wollen getreulich halten und haben dez unsere trew gegeben und zu den Heiligen ge¬ sworen und zu einer merer sicherheit haben wir unsers ge¬ meinen Capitels Jnsigel zu unsers Herren von Bamberg und mit der vorbenannten Stifte Jnsigel an disen briff gehenkt der geben ist ze Bamberg nach Cristi geburt Drewczehen hundert
RkJQdWJsaXNoZXIy MjQ4MjI2