165 126. 1376. 0. 0. 25. November. (St. Kathreinstag.) Heinrich Diezzer reversirt wegen des Hauses und Hofes zu Linz, welche ihm Pilgrin Erzbischof von Salzburg geliehen hat. JCH hinreich Diezzer vergich offenlich mit dem brief sur mich und für all mein Erben, di ich iczund han oder noch gewinn, allen den, di den brief sehent, hornt oder lesent, da¬ mir der Erwirdig fürst mein genaediger herr herr Pilgreim Erzbischof ze Salzburg, Legat des Stuls ze Rom von besunder genaden Empfolhen hat sein hof und Haews gelegen in der Stat ze Lincz ze nachst bei wernharcz Chamrer haws und genant des Erzbischof hof ze Salzburg mit aller zugeherung von heutigem tag vez auf sand Michels tag, der nu schierist chumt, und dar nah uber zwey gancze jar in der mazz und mit der beschaiden, als her nah geschriben stet. Von erst schol¬ ich dem vorgenanten meinem herren und seinen nachchomen mit dem vorgenanten hof und haws, mit Chellern, mit Chaesten, mit Stallung und mit aller dew, daz zu dem Hof gehört, warten Also, das ich dainerlay handlung in den Chellern und Chaesten nicht haben sol, vncz daz meines vorgenanten herren wein und getraid dar in chomen, was denn voriger Cheller und gemaech sind, da mag ich meinen frum wol mit geschaffen. Vnd sol ich dieselben hof und haws mit mir selb und auch mit notdurftigem paew redlich inne haben und besorgen di obgenanten zeit also, das mein vorgenanter herr und sein hof¬ maister mit ierem vesind und diener guten gemach dar inne gehaben mugen. Tat ich dez nicht oder in welher mazz ich hiendel wider den brief, so pin ich zehant gevallen von den genaden und sol denselben hof und haws an alle widerred ledig und los lazzen, wie mein vorgenanter her oder sein anwalt daz an mich suchet. Wenn auch di obgeschriben zeit für chumt, so han ich noch dhain mein Erb oder freund noch anders yemant von meinen wegen fürwas dhain reht, genad noch vordrung hincz meinen vorgenanten herren, seinen Nach¬ chomen oder Gotshaws noch hinz den ieren noch auf di obgenanten haws und hof in dhainer weis, weder haimleich noch offenlich, mit recht noch an recht, Sunder schol ich im denselben hof und haws mit aller zugehorung im oder seinem
RkJQdWJsaXNoZXIy MjQ4MjI2