163 124. 1376. St. Wolfgang. 19. November. (St. Elspechtag.) Morgengab-Versicherung Fridrich des Hofer für seine Frau Margareth auf seinem Erb dats der Sulcs. Jch fridreich Hofer vergich für mich und auch für all mein erben offenleich mit dem brief und tun kund allen den die in sehen hörent oder lesent, daz ich mit wolbedachtem muet und mit gutleichem willen und nach meiner frent Rat meiner Hausfrau Margreten fünfzig pfunt wienner pfenning gemacht han auf meinem erb dacz der Sultz und auch auf aller meiner hab, di ich ir doch emalen gemorgengabt han ze offner Hochzeit, da auch erber laut per sind gewesen und nu ze einer pezzem sicherhait, ob got über mich geput, daz sy mich uberleben sollt, mach ich is anderstund und verbris is mit all der stät, der sy dar zw wedarf und auch dar zu gehört wesunderleich mit meins genädigen Herren Abbt Ludwigs Hant ze Mannsee, der ir di vorgenanten fünfzig psunt auf der vorgenanten Hab ver¬ lihen hat, und westatt also daz ir fürbaz ewichleich nyemant chain chrieg noch chain engung darinn getun mug weder mit recht noch an recht, es war dann allz vil ob imat nach meinem tod her für cham und wolt erb dar zu sein ob der meiner vorgenanten Hausfrawn margreten di vorgenanten fünfzig pfunt gab und wolt sey da von vertigen dem mag si wol ze losen geben und süst nicht und ist ze merchen, ob mein vorgenant Hausfrau verschied an erben, das wir nicht erben mit einander gewunnen, das got nicht geb, so sol di vorgenant hab her wider an mich und an mein erben erben di handlung und daz geschäft hat sich offenleich vergangen datz sand Wolfgang da erber und pider laut per sind gewesen di auch der sach zeigen sind, wesunderleich Pauls Daniel ze den zeiten richter ze Wildenek, Ott chelner ze Mannsee, Hanns Tusslinger, Wolfhart pfnurr, Michel Wülfinger, Ott von Jrning, Charl) Amman dacz sand Wolfgang, Nycla Hagen, peter Schuster, Wolfel dacz den ausern, Chunrad faschang, fridrich hafner, und ander erber Lawt genug, das meiner oftgenanten Hausfrau Margreten daz allsampt also stat und vnuerchert weleib, gib ich in den brief ze einer waren vrchund versigelten 11
RkJQdWJsaXNoZXIy MjQ4MjI2