139 103. 1376. Passau. 27. August. (Mittich vor St. Gilgentag. Die Herzoge von Bayern Otto, Stephan, Friedrich und Johann geloben dem Grafen Heinrich von Schaunberg keine Hülfe zu leisten, sondern dem Herzoge Albrecht von Österreich auf Erfordern beizu¬ stehen. Wir Ott von Gottes Genaden des Heiligen Romischen Reichs Erczkamrer kurfürst und wir Stephan, wir ffridrich und Jo¬ hanns gebrüder dez egenanten herrn Otten Vettern auch von gots genaden all Pfallenzgrafen by Rein und herzogen in Beyern etc. Bechennen und tun chunt offenleich mit dem brief, Daz wir für uns und unser Erben mit dem Hochgeborn fürsten unserm Lieben Oheim Herzogen Albrechten von Osterich etc frevntlich ber ain chomen sein, alz hienach geschriben stet, Dez Ersten, daz von der stozze, mishel und ansprach wegen, so der egenant unser Oheim von Osterreich hinz Graff hein¬ reichen von Schawnberg hat, Wir noch deiner under uns den selben von Schawnberg retten, beschutten noch verantwurtten noch uns umb in annemen sullen noch wellen in dhaine weiz, Sünder würde er uns umb hilff und volkche vodern wider den genanten von Schawnberg, die sullen wir im tun und schikchen füderlichen und vnuerzogenlich. Dem selben unserm volkche sol der egenant unser Oheim von Österreich Chost geben, alz gewendleich ist, und für im schaden sprechen. Und ob das volkch dheinen schaden namen, Waz danne darumb der hoch¬ geborn unser lieber Swager Burkgraue Fridrich von Nürnberg und die Edeln Hanns von Abensperg, Heinreich von Walese hapman an der Enns, Görgen Waldekker unser Victum in Beyern und Hannz Marlein umb die schaden sprechent, Da bey sol ez beleiben. Wir sullen auch weren und understen vestichlich an geuarde, das keiner der unsern dem genanten von Schawnberg geraten, geholffen noch dinstlich sey in deinen weg, wider den egenanten unsern Oheim von Österreich. Welhe aber der unsern Da über dem von Schawnberg hilfliche zu¬ riten, die selben und ir hab sullen wir an greiffen, daz im sulhe hilfe von den unsern nicht beschehe in deinen weg. Mit vrchund diez briefs, der gegeben ist ze Passaw an Mittichen
RkJQdWJsaXNoZXIy MjQ4MjI2